Høgt uppi í fjøllunum, á markinum ímillum Fraklands og Spania, er lítla landið Andorra. Landið er fríríki, og stjórnarovastar eru spanski biskupurin av Uruguel í landnyrðingsspania og franski forsetin í felag. Katalónskt er alment mál; men mong tala eisini franskt og spanskt. Einasti stóri býur í landinum er høvuðsstaðurin, Andorra la Vella.

Týdningarmesta inntøkukeldan hjá Andorra er ferðavinna. Mong ferðafólk koma hagar at standa á skíðum, hóast einasti vegur ímillum Fraklands og Spania mangan er stongdur, tí at har legst so nógvur kavi.