Jóannes Dalsgaard (1895-1980)
Úr Les
Jóannes var føddur í Skálavík í 1940. Hann tók studentsprógv í 1960 og hevur lisið søgu og franskt á lærda háskúlanum í Keypmannahavn.
Jóannes hevur starvast innan mong øki. T.d. hevur hann verið fiskimaður, arbeiðsmaður, lærari, landsskjalavørður, rektari og deildarstjóri í mentamálaráðnum. Hann hevur eisini verið virkin í politikki. Hann var løgtingsmaður fyri Javnaðarflokkin eitt áramál í áttati- og nítiárunum.
Umframt yrkingar hevur Jóannes skrivað greinar og stuttsøgur.
Sløð eftir skipsdagbók 1957-58, III, Les 2 s. 237
Úr Bókmentasøguni hjá Árna Dahl
Hann var føddur í Skálavík 16/6-1895. Vetrarnar 1911-12 og 1916-17 var hann næmingur á Føroya Fólkaháskúla. Eitt skifti var hann jarðarbrúksnæmingur í Kirkjubø, og í 1919 leitaði hann til Danmarkar, har hann fyrst gekk á Lyngby Landboskole og síðani var næmingur á tveimum royndarstøðum.
Hann kom so aftur til heimbygd sína og varð formaður fyri vegarbeiði, sum tá í nøkur ár var í gongd í bygdini.
Seinni fór Jóannes til Noregs at arbeiða á einum garði á Vesturlandinum, og í 1921 kom hann heim aftur í starv á Royndarstøðini í Hoyvík, og her arbeiddi hann, til hann vegna aldur legði frá sær. Tíðarskeiðið 1961-65 var hann formaður í Føroya Jarðarráð, og hann hevði onnur álitisstørv innan føroyskan landbúnað.
Ansurin fyri søgu okkara var í hásæti í barnaheimi hansara á Mølini í Skálavík, og væl goymdi hann tað í minninum, ið sagt var frá. Í 1978 gav »Varðin« út bók hansara »Søgur og søgubrot«.
Jóannes andaðist 1/5-1980.
Úr: Árni Dahl: Bókmentasøga I-III. Fannir. 1980-83.