Nordahl Grieg (1902-1943)
Úr Les
Nordahl Grieg var norðmaður, føddur í Bergen í 1902. Hansara fulla navn var Johan Nordahl Brun Grieg. Hann las málfrøði og starvaðist sum blaðmaður. Nordahl Grieg ferðaðist víða um í Evropa og var eisini í Kina og Sovjet sum blaðmaður. Hann var kendur sum ein anti-fasistiskur høvundur, ið var hugtikin av kommunismuni.
Tá Noreg í 1940 varð hersett av týskarum, flýddi Nordahl Grieg til Ongland. Har varð hann útbúgvin offiserur og var við flogførum hjá teimum sameindu sum krígskorrespondentur í fleiri bumbuálopum yvir Týsklandi. 2. desember 1943 var hann skotin niður í einum álopi á Berlin. Hann liggur grivin í eini týskari hópgrøv.
Sum rithøvundur var hann sera virkin og skrivaði m. a. skaldsøgur, yrkingar, leikrit og greinar.