• Yvirlit
  • Prenta
  • RSS hald
Tú ert her:

Móðurmálsdagur

25. mars er føðingardagur V.U. Hammershaimbs. Tá hevur móðurmálsdagurin verið hildin.

Í ár verður móðurmálsdagurin hildin í Løkshøll í Runavík, har evnið er yrkismál.

Tiltakið, sum verður seinrapartin, endar við at ein Móðurmálsvirðisløn verður latin fyri yrkismál.

Fyri Nám fer Elin Henriksen at greiða frá um yrkismál í fólkaskúlanum í rokning. 

Tiltakið er alment og ókeypis.

Nám heitir í hesum sambandi á skúlar í landinum at leggja sær móðurmálsdagin í geyma, ikki bara í móðurmálsundirvísingini, men í øllum lærugreinum, so næmingar verða kunnaðir um viðurskifti, sum elvdu til, at vit í dag hava eitt væl virkandi mál, sum alt árið kann rúma øllum samskifti. 

 

Spyr okkum um undirvísing

Nám er tænastustovnur fyri skúlaverkið. Til ber altíð at spyrja Nám og starvsfólkini, sum har eru, um móðurmálsundirvísing og slektaði viðurskfiti. Vit svara eftir førimuni. Góðan Móðurmálsdag, alt árið!

 
 
Nám Hoyvíksvegi 72 Tórshavn Tel. + 298 755150 snar@(if you can see this please update your browser)snar.fo © Nám 2017