• Yvirlit
  • Prenta
  • RSS hald
Tú ert her:

Fiskayvirlit

 
Bente Olesen Nystrøm teknaði.

Lítli súgfiskur (súgfiskaættin)
Liparis montagui (Donovan, 1804)

Stødd: Lítli súgfiskur kann verða upp í 12 cm langur, men er sjáldan longri enn 8 cm.

Dýpi: Hann er úr fjøruni og út á 30 metra dýpi, á grótbotni í taranum.

Litur: Litir og blettir eru broytiligir, men ofta hevur hann ‘keðiligan’ grábrúnan lit. Hann hevur ljóst royggj.

Teinar: R 28-32; G 22-25; Ry 33-37.

Lýsing: Lítli súgfiskur er minni enn stóri súgfiskur, hevur tveir nasagluggar, ið eru minni útrendir og upprendir enn á stóra súgfiski. Hann hevur eina ryggfjøður, eina gotfjøður og stórar uggafjaðrar. Búkfjaðrarnar eru umskapaðar til ein súgvikopp, ið er nakað størri enn eygnatvørmátið.

Eyðkenni: Hann er kvapsutur og bleytur. Hevur bert tveir nasagluggar. Hvørki gotfjøður ella ryggfjøður eru samanvaksnar við stertin. Súgvikoppurin er størri enn eyguni. Gotið er nærri súgvikoppinum enn gotfjøðurini.

Týdningur: Lítli súgfiskur hevur ikki vinnuligan týdning.

da: Særfinnet ringbug, en: Montagu’s seasnail, ís: Litli sogfiskur, no: Kystringbuk, tý: Kleiner Scheibenbauch

Útbreiðsla: Lítli súgfiskur er undir Føroyum og Íslandi, annars fram við landi frá Bretagne og Bretsku Oyggjunum til Noregs, Svalbarðs og í Hvítahavið. Hann er í Norðsjónum, Skagerrak og Kattegat.

Mouritsen, Rógvi: Fiskar undir Føroyum. Føroya Skúlabókagrunnur og Fiskirannsóknarstovan. Tórshavn. 2007.

Sporðdrekafiskar Scorpaeniformes

Í sporðdrekahópinum eru 26 ættir, ið hava 279 slektir og 1477 sløg.

Av hesum eru undir Føroyum 7 ættir við 17 slektum og 23 sløgum:

  • Kongafiskaættin (Scorpaenidae)
  • Knurrhanaættin (Triglidae)
  • Ulkuættin (Cottidae)
  • Brynjukruttaættin (Agonidae)
  • Huldukruttaættin (Psychrolutidae)
  • Rognkelsisættin (Cyclopteridae)
  • Súgfiskaættin (Liparidae)

Fiskarnir í hesum hópinum eru í stødd smáir til miðal, sterturin er oftast nakað rundaður aftureftir, onkuntíð innbogin, men sjáldan sýldur. Uggafjaðrarnar eru oftast avrundaðar aftan.

Fiskarnir eru oftast klæddir við píkum ella beinplátum um høvd og bul, yvirhøvur hvassir, harðir og knortlutir fiskar.

Sporðdrekafiskar eru um øll høv, onkur sløg eru í blandingsvatni og onkur eisini í feskvatni.

 
 
Nám Hoyvíksvegi 72 Tórshavn Tel. + 298 755150 snar@(if you can see this please update your browser)snar.fo © Nám 2017