• Yvirlit
  • Prenta
  • RSS hald
Tú ert her:

Fiskayvirlit

 
Astrid Andreasen teknaði.

Silvurøks (silvurøksættin) Argyropelecus olfersi (Cuvier, 1829)

Stødd: Silvurøks verður upp í 10 cm, men vanliga er hon 6-8 cm.

Dýpi: Hon er uppsjóvarfiskur í djúpu høvunum á dýpi millum 100 m og 800 m.

Litur: Um bakið er hon dimm, svartblá, liðirnar eru silvurlittar.

Lýsing: Silvurøks er hávaksin og smalur fiskur, stutt, borin saman við hæddina. Hon hevur stóran, upprendan kjaft. Eyguni venda uppeftir og sita ovarlaga á høvdinum. Stór og týðilig ljósgøgn eru undir búkinum, fram við kjølinum. Hon hevur hvast kjalarskrubb.

Eyðkenni: Støddin, skapið, ljósgøgnini og sterki silvurliturin.

Týdningur: Silvurøks hevur ikki vinnuligan týdning.

da: Sølvøkse, en: Hatchet fish, fr: Hache d’argent, ís: Norræni silfurfiskur, no: Stor perlemorsfisk, tý: Silberbeil

Útbreiðsla: Silvurøks er frá Qaqortoq (Julianehaab) og Ittoqqortoormiit (Scoresbysundi) í Grønlandi, til Íslands, Føroya, Noregs, vestan fyri Bretsku Oyggjarnar, Kanariuoyggjarnar og suður um Suðurafrika og í ein útsynning úr Suðurafrika. Í Kyrrahavinum millum 30° og 50°S. Undir Føroyum sæst hon javnan.

Mouritsen, Rógvi: Fiskar undir Føroyum. Føroya Skúlabókagrunnur og Fiskirannsóknarstovan. Tórshavn. 2007.

Ljósfiskar Stomiiformes

Í hesum hópinum eru 5 ættir, 53 slektir og 391 sløg:

Av teimum eru undir Føroyum skrásettar 3 ættir við 7 slektum og 8 sløgum:

  • Seilaættin (Gonostomatidae)
  • Silvurøksættin (Sternoptychidae)
  • Ljósfiskaættin (Stomiidae)

Yvirhøvur smáir fiskar, ið hava ljósføri runt um á kroppi og høvdi. Summir hava finnu. Nakrir hava roðslu, aðrir ikki. Summar av fjaðrunum mangla á nøkrum sløgum. Onkrir hava fitifjøður undir sporlinum. Flestir eru dimmir á liti, og nakrir eru silvurblankir. Ljósfiskar eru bæði djúpt og ovarlaga í sjónum.

 
 
Nám Hoyvíksvegi 72 Tórshavn Tel. + 298 755150 snar@(if you can see this please update your browser)snar.fo © Nám 2017