• Yvirlit
  • Prenta
  • RSS hald
Tú ert her:

Fiskayvirlit

 
Bente Olesen Nystrøm teknaði.

Svarta havtaska (havtaskuættin)
Lophius budegassa Spinola, 1807

Stødd: Svarta havtaska verður upp í umleið 100 cm long.

Dýpi: Hon er úr vatnskorpuni niður á 650 metrar.

Teinar: R2 VI + 9-10; G 8-9.

Litur: Hon er brúnlig um bakið og gráhvít undir búkinum. Royggið er svart.

Lýsing: Svarta havtaska líkist havtasku so nógv, at munur ikki sæst uttan gjøllari kanning. Munirnir eru: Í ryggfjøðurini á svørtu havtasku eru 9-10 teinar, 11-12 teinar eru í ryggfjøðurini á havtasku. Í búkfjaðrunum eru 8-9 teinar á svørtu havtasku, 9-10 teinar eru í búkfjaðrunum á havtasku. Ein týðiligur munur er royggið, ið er svart. ’Agnið’ á svørtu havtasku er heilt, í einum flata. Á havtasku er ’agnið’ sum sýlt, er mest sum í tveimum.

Eyðkenni: Svarta royggið.

Týdningur: Undir Føroyum er veiðan lítil, men hon verður avreidd sum havtaska.

da: Sort havtaske, en: Black-bellied Angler, fr: Baudroie rousse

Útbreiðsla: Undir Føroyum til Bretsku Oyggjarnar, Senegal og Kanariuoyggjarnar. Í Miðjarðarhavinum og Svartahavinum.

Mouritsen, Rógvi: Fiskar undir Føroyum. Føroya Skúlabókagrunnur og Fiskirannsóknarstovan. Tórshavn. 2007.

Tussafiskar Lophiformes

Tussafiskahópurin hevur 18 ættir við umleið 66 slektum og 313 sløgum.

Undir Føroyum eru skrásettar 4 ættir við 5 slektum og 6 sløgum:

  • Havtaskuættin (Lophiidae)
  • Grønlandstussaættin (Himantolophidae)
  • Tussafiskaættin (Ceratidae)
  • Lusiferættin (Linophrynidae)

Undarlig útsjónd sermerkir tussafiskarnar. Teir flestu fiskarnir tykjast trevsutir, og teir flestu hava stórligt rundbøllut skap.

Á fleiri teirra er fremsti teinur í ryggfjøðurini vorðin til eina stong, ið verður brúkt sum tráða við „agni“ at lokka annan fisk til sín.

Oftast stóran kjaft við stórum tonnum, táknaopini eru smá.

Seinir svimjarar og lítið virknir fiskar. Hjá nøkrum teirra eru kallfiskarnir sera smáir og eru viðhvørt at sýggja grónir fastir uppi á kvennfiskunum.

Tussafiskar eru bæði á grunnum og djúpum vatni.

 
 
Nám Hoyvíksvegi 72 Tórshavn Tel. + 298 755150 snar@(if you can see this please update your browser)snar.fo © Nám 2017