• Yvirlit
  • Prenta
  • RSS hald
Tú ert her:

Temasíðan um javnrættindi vendir sær til hádeild, har ikki annað er viðmerkt. Endamálið við temasíðuni er at taka ymsar samfelagsspurningar, ið snúgva seg um kyn og javnstøðu, við í undirvísingina. 

Javnstøða millum kyn er ein av fleiri mátum at viðgera samfelagið, men er ikki ein lærugrein í sjálvum sær. Tí ber ikki til at fáast við hetta evnið, uttan at seta tað í ein breiðari fakligan samanhang, so sum søgu, samfelag, mentan, miðlar og hugtakið makt.

Á temasíðuni um javnrættindi eru hugskot til undirvísing og slóðir til ymiskt tilfar, ið kann fáa læraran og flokkin at viðgera javnstøðuspurningar, og framhaldandi at hugsa hesar spurningar, ið eru alt annað enn sjálvsagdir, inn í undirvísingina.

Í donsku sjónvarpssendingini DeadLine 2/2-2016 (frá 26½ min.) tosar Martin Krasnik við Erica Jong. Hon er amerikanskur rithøvundur, sum var millum heimsins kendastu í 1970’unum. Í 1973 skrivaði hon metsølubókina Fear of Flying, sum er um 29 ára gomlu amerikansku Isadora Wing, sum bersøgin sigur frá um egið kynslív, arbeiði og at ferðast. Erica Jong, sum í dag er 73 ár, tosar við danska journalistin um ommur, sum eiga at fáa størri makt í dagsins samfelag. Tí hevur hon gjørt av, hvat forsetavalevni hon skal velja 8. november.

Uppgávur:

  • Hvat eftirlýsir Erica Jong í dagsins altjóða samfelag, og hvussu grundgevur hon í samrøðuni fyri at rætta uppá henda skeivleika?
  • Kundi Erica Jong tað sama havt tosað um okkara samfelag i Føroyum í dag?
  • Greið frá sambandinum, tú hevur við tínar ommur.
  • Tak støðu til, um ommur hava nakra makt í okkara samfelag. Vís á møgulig dømi.
  • Hvat forsetavalevni fer Erica Jong at velja í USA og hví?

Undirvísingarupplegg

Suffragette og Pankhurst
Menn sum hata kvinnur
Kvinnuleiklutur í filmi og video
Kvinnur í politikki
Kvinnur í tónleikaheiminum
Kvinnur í ítrotti
Kvinnuligir rithøvundar
Hvat sigur lógin?

Tíðarlinja um javnrættindi

Okkum kann tað tykjast sjálvsagt, at øll menniskju skulu hava somu rættindi og skyldur í samfelagnum - sama ger kyn, tjóðaruppruna, útsjónd, brek, kynsliga áskoðan, átrúnað ella politiska fatan. Men í mongum londum er tað ikki sjálvsagt, og fyri ikki so langt síðan var tað heldur ikki sjálvsagt í Føroyum. Her eru nøkur áhugaverd árstøl um javnrættindi millum kynini.

 
Nám Hoyvíksvegi 72 Tórshavn Tel. + 298 755150 snar@(if you can see this please update your browser)snar.fo © Nám 2017