• Yvirlit
  • Prenta
  • RSS hald

JUDASARHEYGGJUR

Ímillum Hagagjáar og Sandfellis nakað sunnan fyri Elduvík í Eysturoy er ein heyggjur, sum kallast Judasarheyggjur.

Ein bóndi var á sinni, sum átti alla Elduvík. Tveir synir átti hann, sum skuldu býta ognina ímillum sín. Teir stóðu uppi á einum brøttum heyggi; hin yngri býtti, og hin eldri tók. Men hin yngri unti ikki bróðurinum part hansara, og sum hann hevði kyst bróður sín og lætst so findarblíður, koyrdi hann hann við svikum útav. Á henda hátt fekk hin eldri bróðirin bana, og hin yngri fekk alla Elduvík. Síðan hevur hesin heyggjur verið kallaður Judasarheyggjur.

Jakob Jakobsen: ”Færøske folkesagn og æventyr”, 1898-1901

Sagnirnar eru her endurgivnar við Hammershaimbs stavseting eftir útgávuni:
Jakob Jakobsen: "Sagnir og ævintýr" , fororð eftir Mariu Mikkelsen, 1. útg. 1925, 2. útg. 1984-85.

 
Nám Hoyvíksvegi 72 Tórshavn Tel. + 298 755150 snar@(if you can see this please update your browser)snar.fo © Nám 2017