• Yvirlit
  • Prenta
  • RSS hald
Tú ert her:

Spónamaðurin á Selatrað

Søgan vil siga, at fyri seks til sjey mansaldrum síðani skal á Selatrað hava verið ein spónamakari, ið var so hegnigur í sínum yrki, at hann flutti spønir, slíðrar o. a. eisini út til Noregis. Hvør hesin maður kann hava verið, hevur verið mær ókunnugt, men skiftiprotokollin fyri tíðarskeiðið 1706—1716 nevnir eina Maggu Jógvansdóttur (skiftið var 1710, og kann hon so vera deyð í 1709 av koppunum), sum tænt hevði hjá Jørgen Knudsen Gottrup (keypmaður Gabels í Tórshavn). Faðir hennara sigst í protokollini at vera „Joen Olsen Spaanemager" av Selatrað. Ivaleyst er tað tá hesin nevndi Jógvan spónamakari, sum søgan knýtir seg til.

Andreas Weihe: “Søga og søgn”, 1933

 
Nám Hoyvíksvegi 72 Tórshavn Tel. + 298 755150 snar@(if you can see this please update your browser)snar.fo © Nám 2017