• Yvirlit
  • Prenta
  • RSS hald
Tú ert her:

NIÐAGRÍSURIN Í HOSULEGGALDINUM

Ein arbeiðskona í Ónagerði, prestagarðinum á Viðareiði, kom fyri leysingabarn og drap tað í loynd. Ein fátækur húskallur var har í prestagarðinum, eyknevndur Písli; frá honum tók hon eitt hosuleggald, sum hon koyrdi barnið í, og síðan gróv hon tað niður. Eina tíð eftir hetta giftist henda sama arbeiðskonan, og stórt brúdleyp varð hildið. Meðan tey dansa brúðardansin, kemur ein niðagrísur rullandi inn í einum hosuleggaldi, hoppar inn í ringin og kvøður:

Min moder bær guld;

jeg danser i uld,

jeg danser í hosuleggald Písla.

So bóltaði hann sær fyri føturnar á mommuni; men hon svímaði og varð borin út, og brúdleypskætin fekk brattan enda.

Jakob Jakobsen: ”Færøske folkesagn og æventyr”, 1898-1901

Sagnirnar eru her endurgivnar við Hammershaimbs stavseting eftir útgávuni:
Jakob Jakobsen: "Sagnir og ævintýr" , fororð eftir Mariu Mikkelsen, 1. útg. 1925, 2. útg. 1984-85.

 
Nám Hoyvíksvegi 72 Tórshavn Tel. + 298 755150 snar@(if you can see this please update your browser)snar.fo © Nám 2017