• Yvirlit
  • Prenta
  • RSS hald
Tú ert her:

Rithøvundar

 

Brøðurnir Grimm (Jacob 1785-1863) (Wilhelm 1786-1859)

Jacob Grimm (1785-1863) og Wilhelm Grimm (1786-1859) vóru týskir mál- og fólkaminnisgranskarar. Teir vóru báðir útbúnir løgfrøðingar og arbeiddu saman alt lívið. Jacob Grimm er eisini kendur sum stovnsetari av germanskari málgransking. Hann vísti á ljóðflytingar og skapti heiti sum umljóð og avljóð.

Brøðurnir báðir fóru undir at savna fólkaævintýrini, sum livdu á mannamunni ímillum fólk í Týsklandi, og skrivaðu tey upp. Í 1812 kom fyrsta bindið út við 86 ævintýrum, og í 1815 kom seinna bindið við 70 ævintýrum. Teir endurskrivaðu ta munnligu frásøgnina, so ævintýrini gjørdust einsháttað í stíli.

Jacob og Wilhelm Grimm vóru undangongumenn á hesum øki og virkaðu við til, at málgranskarar og onnur í øllum Europa fóru undir at savna og skriva upp skaldskapin av mannamunni.

 
 
Nám Hoyvíksvegi 72 Tórshavn Tel. + 298 755150 snar@(if you can see this please update your browser)snar.fo © Nám 2017