• Yvirlit
  • Prenta
  • RSS hald
Tú ert her:
  • Kunning

Byrjanarkvøld at skriva handrit

12.09.2016
Í Námi altjóða læraradagin

Altjóða læraradagin, mikudagin 5. oktober í 2016 kl 19:30, skipar Nám fyri byrjanarkvøldi í sambandi við lýstu kappingina um Besta skúlabókahandrit.

Regin Marnersson, stjóri í Námi, bjóðar vælkomin og Signar í Homrum syngur góðar sangir.

Síðan fara Oddfríður Marni Rasmussen og Hanna Jensen á kveikjandi hátt at siga frá um egnar royndir og møguleikar at gera tilfar, sum kann verða brúkt í undirvísingini. Tey fara eisini at geva eitt boð uppá, hvørji krøv dagsins skúli eigur at seta tí góða handritinum í fólkaskúlanum og á miðnámi.

Tiltakið er alment, og vendir sær eisini til tey, sum ikki eru lærarar, men vilja skriva skúlabøkur í samráð við Nám.

Tey, sum møta, sleppa til orðanna, og ritstjórar í Námi vera til staðar. Í sambandi við handritakappingina kunnu ritstjórar í Námi eisini geva teimum ráð, sum hava hug at skriva. Rágevingin er í mesta lagi fimm tímar til hvønn høvund, sum er við í handritakappingini.

Alt um kappingina um Besta skúlabókahandrit sæst á heimasíðuni hjá Námi og á Snar her.

|
Atknýtt tíðindi
Besta skúlabókahandrit
 
Nám Hoyvíksvegi 72 Tórshavn Tel. + 298 755150 snar@(if you can see this please update your browser)snar.fo © Nám 2017