• Yvirlit
  • Prenta
  • RSS hald
Tú ert her:
  • Kunning

Ókeypis norðurlendskt tilfar til miðnám

10.11.2017
Nýtt ókeypis frálærutilfar til miðnám um ’Nýggjari norðurlendska realismu’ og ’Arktis og ríkisfelagsskapin’

Keypmannahavn, 8. november 2017

Tíðindaskriv:

Nú kemur undirvísingarportalurin Norden i Skolen, saman við Norrønu Feløgunum og Norðurlendska Ráðharraráðnum, við eini røð av ókeypis frálærutilfari til miðnám, ið setir sjóneykuna á norðurlendsk mál, mentan, søgu og samfelagsviðurskifti. ’Nýggjari norðurlendsk realisma’ og ’Arktis og ríkisfelagsskapurin’ eru evnini, ið verða leysgivin 6. november 2017 og verða at finna á nordeniskolen.org.

Endamálið við tilfarinum er at geva næmingum í øllum Norðurlondum meira kunning um norðurlendska mentan, mál, søgu og aktuellar samfelagsavbjóðingar.

Tey bæði fyrstu evnini venda sær til undirvísarar í donskum, samfelagslæru, landalæru og søgu við evnunum nýggjari norðurlendsk realisma og við Arktis og ríkisfelagsskapurin millum Danmark, Føroyar og Grønland.

Nordeniskolen.org bjóðar miðnámi vælkomnum

Tilfarið kann heintast á undirvísingarportalinum nordeniskolen.org, sum síðan 2013 hevur bjóðað ókeypis frálærutilfar til lærarar í fólkaskúlanum í øllum Norðurlondum. Í løtuni brúka 10.000 lærarar portalin og Norden i Skolen víðkar nú við tilfari, ið er ætlað miðnámi.

Thomas Henriksen, verkætlanarleiðari, greiðir frá:

"Vit vilja styrkja frálæruna á miðnámi, og geva næmingunum størri vitan um mál, mentan, søgu og viðkomandi samfelagsavbjóðingar í Norðurlondum. Við at taka Norðurlond við í undirvísingina, verður vanliga frálæran styrkt, samstundis sum tey ungu verða brynjað til málsliga og mentanarliga at fáa gagn av teimum mongu møguleikunum og fyrimununum, sum norðurlendska samstarvið hevur at bjóða.”

Arbeitt hevur verið leingi við at gera frálærutilfar til miðnámsútbúgvingarnar, og tí er tað ikki fyrr enn nú, at nordeniskolen.org eisini av álvara hevur nakað at bjóða lærarum og næmingum á miðnámi, hóast møguleikin fyri at knýta vinasambond millum miðnámsflokkar hevur verið til staðar leingi.

Arktis og ríkisfelagsskapurin: Háaktuelt evni í einum broytiligum heimi

Tilfarið um Arktis og ríkisfelagsskapin millum Danmark, Føroyar og Grønland bjóðar lærarum og næmingum spennandi tilfar, ið setir sjóneykuna á sambondini og (valds)viðurskiftini í Arktis.

Samstundis sum veðurlagið broytist, er Arktis nærsagt blivið ”hot”. Nýggjar farleiðir fyriskipaferðsluna skapa væntanir um nýggjar vinnumøguleikar, og tað ger tað meira neyðugt at skilja ríkisfelagsskapin og viðurskiftini millum Danmark, Føroyar og Grønland.

Heimildarøðin ’Rigsfællesskabets historie’ hjá 2016 av donsku Martin Breum og Jakob Gottschau er kjarnin í nýggja frálærutilfarinum, ið eisini umfatar tekstir, greiningar, almenn skjøl, blaðgreinir, kjakíkast v.m. Algongd hugtøk, so sum bleytt og hart vald og hjálandapolitikkur (kolonialisma) gera, at hugtakið er viðkomandi fyri næmingar í øllum Norðurlondum.

Niels Vinther, námsfrøðligur frálæruráðgevi og miðnámsskúlalærari, ið hevur verið við til at gera tilfarið, greiðir soleiðis frá:

"Tilfarið um Arktis og ríkisfelagsskapin millum Danmark, Føroyar og Grønland, kann brúkast bæði í samfelagslæru, landalæru og søgu: Tað gevur gott innlit í hvussu londini eru bundin sínámillum í ríkisfelagsskapinum, og at skilja tey viðurskifti, ið gera seg galdandi millum tjóðir við heimastýri og sjálvstýri. Evnið setir eisini fokus á aðrar trupulleikar í Arktis, t.d. stríðið um Norðpólin millum ríkisfelagsskapin og hini strandarlondini, eitt stríð, ið gerst alt meira viðkomandi sum ísurin í Pólhavinum tiðnar."

Nýggjari norðurlendsk realisma: Veruleikin úr nýggjum sjónarhornum

Tilfarið um nýggjari norðurlendska realismu vendir sær til undirvísingina í donskum, og gevur næmingunum innlit í norðurlendskar bókmentir síðan 2000. Hugt verður eftir vandamálum, so sum sosialur arvur, seksualitetur, evnismisnýtsla, deyði og sálarligar stoytir frá barndóminum – tíðarviðkomandi vandamál, ið verða tikin upp til kjaks saman við uppgávum og skapandi skriviroyndum. Tilfarið kann brúkast sjálvstøðugt, ella t.d. sum partur av tema um realismu ella naturalismu ella sum tekstalesing og -­‐greining.

Michael Friis Møller, námsfrøðiligur frálæruráðgevi og miðnámsskúlalærari, sum hevur verið við til at gera tilfarið, sigur:

"Tilfarið um nýggjari norðurlendska realismu kann í frálæruni í donskum geva innlit í ymiskar upplivingar av veruleikanum tvørtur um norðurlendsk landamørk – upplivingar, ið lata upp fyri áhugaverdum speglingum og sjónarhornum av gerandislívinum og samfelagnum í teimum ymsu norrønu londunum. Tað gevur næmingunum møguleika fyri at fáa innlit í barna-­‐ og ungdómslívið í okkara grannalondum, og kanna felags norðurlendsk brøgd."

Tilfarið um Arktis er fíggjað av Nordregio, meðan tilfarið um nýggjari norðurlendska realismu er fíggjað av Nordplus Sprog og Kultur.

Sí tað nýggja tilfarið til miðnámsskúlar her.

Melda teg til her sum brúkari av nordeniskolen.org, og fá støðugt vitan um nýtt frálærutilfar og tiltøk.

Fá meira at vita her:

Thomas Henriksen, verkætlanarleiðari, thomas@fnfnorden.org, tlf. +4526116267

 

 

 

 

 

 

 

|
 
Nám Hoyvíksvegi 72 Tórshavn Tel. + 298 755150 snar@(if you can see this please update your browser)snar.fo © Nám 2017