• Yvirlit
  • Prenta
  • RSS hald
Tú ert her:
  • Kunning

Vinnarar í filmskappingini um málið

17.10.2016
Vinnararnir funnir í filmskappingini besti filmur um málið


Inn komu 14 filmar. Dómsnevndin metti 8 teirra uppfylla treytirnar. Málráðið takkar hjartaliga øllum innsendarunum fyri teirra íkast til kappingina.

Vinnarin
Vinningin á 10.000 krónur vann filmurin “Orðið”.

Dómsnevndin segði m.a. í grundgeving síni: “Dómsnevndin hevur valt ein film, sum hon metir á fullgóðan hátt uppfyllir tær tríggjar treytirnar, ið settar vóru av Málráðnum: uppfinnsemi, originalitet og málsligt medvit.(...) Eitt sera gott og sterkt hugskot, ið snýr seg um alstóra týdningin av málinum. Uppgávan er loyst seriøst og kreativt, og einki er gjørt av tilvild. (...) Málsliga medvitið er eyðsýnt.”

Tey, ið høvdu sent okkum vinnandi filmin, vóru: Sissal Matras, Janni Petersen, Sissal Magnussen, Sissal Ellefsdóttir, Rakul Højgaard Poulsen, Bára Joensen og Ásla Olsen.

Tey ungu handan “Orðið” eru øll úr 1. s. á Glasi í Hoydølum.

--

Áskoðaravirðisløn í filmskappingini besti filmur um málið.
Á móðurmálstiltakinum á Háskúlanum leygardagin var eisini ein kapping millum áskoðararnar at velja tann filmin, sum teimum dámdi best í úrvalinum, sum dómsnevndin hevði gjørt.

Áskoðaravirðisløninina á 2.000 krónur vann Heidi Wolles Ljósheim við filminum “At miða eftir málinum”.

|
 
Nám Hoyvíksvegi 72 Tórshavn Tel. + 298 755150 snar@(if you can see this please update your browser)snar.fo © Nám 2017