Høvundarnir, Jónfríð Foldbo og Tóra við Keldu, hava gjørt lærarabók til nýggju bókaheildina Vinir mínir og eg 2, sum er til annan flokk í fólkaskúlanum.

Í lærarabókini, sum er komin í handlarnar, verður nágreiniliga greitt frá, hvussu hvør einstakur skúlatími verður skipaður. Tvær fløgur við tónleiki eru í lærarabókini, og aftast eru 47 avritssíður til næmingarnar at arbeiða við. Nógvar avritssíður og uppgávur eru ætlaðar til eina loggbók, sum eisini fylgir við bókaheildini. Loggbókin kostar 25,- kr., men er ókeypis, um flokssett av Vinir mínir og eg 2 verður keypt. Loggbókin kemur út í viku 34.

Lærarabókin telur 230 blaðsíður og kostar 875,-.