Altjóða stjørnufrøðiár 2009
Greinarøð hjá Pól Jespersen.

Sum 19. øld líður, verða kikararnir alsamt størri. Fyrsta stjørnufrástøðan verður roknað, og granskarar fáa so við og við hilling á skapinum á Vetrarbreytini, men enn veit eingin, um breytin er alt, sum er, ella um tokublettirnir, sum eru at síggja á himmalinum, eru partar av okkara breyt ella sjálvstøðugar stjørnubreytir.