Í Svøríki gera tey nógv fyri at upplýsa fólkið um at velja tá val er. Avísin 8 Sidor leggur seg eftir at bera stutt og greið tíðindi, sum eru løtt at lesa. Bókstavirnir eru størri enn vanligt, setningarnir eru stytri og eingi torfør orð verða brúkt. Avísin 8 Sidor hoyrir ikki til nakran politiskan flokk ella felagsskap. Bara journalistarnir gera av, hvat kemur í avísina og hvussu tað verður borið fram. Tí siga vit, at avísin er óheft.

Til Ríkisdagsvalið hevur avísin 8 Sidor givið út bæði bók og avís. Her er bókin, og her er avísin. Tilfarið kann takast niður ókeypis. Útgevarin kallast Myndigheten för tillgängliga medier.