Ætlanin við hesi síðu er at varpa ljós á, at 10. desember er altjóða mannarættindadagur. Í hesum sambandi hava vit savnað ymiskt undirvísingartilfar, ið Amnesty International hevur gjørt. Eisini verður víst á bøkur og annað tilfar, ið Nám liggur inni við. Tað mesta av tilfarinum er á donskum, men tó er nakað av føroyskum undirvísingartilfari á heimasíðuni hjá Amnesty Føroyadeild.
Mannarættindalæra er ikki serstøk lærugrein eftir lógini, men er í tráð við endamálsorðingina í fólkaskúlalógini.
Mannarættindalæra og -fatan kann brúkast í nógvum lærugreinum, kanska serliga kristni, samtíðarkunning og søgu. Men mannarættindaspurningar kunnu eisini væl brúkast í tekstuppgávum í føroyskum, donskum, enskum ella øðrum málsligum lærugreinum. | 
