Landafrøði 1-3 Lærarabók

Lærarabók ©Nám 2014, 1. útgáva.Týðari: Elin Henriksen, Upprunaútgáva Impuls Geografi ©2009 Peter Kinlund, Maria Bergman och Natur og Kultur, 2009, Stockholm ISBN: 978-99918-2-205-1 Landafrøði 1–3 11-4 Uppskot til frálæru Landafrøði 2 At enda kunnu næmingarnir arbeiða við avritssíðuni Hvussu skal orkuveitingin í Føroyum verða í framtíðini Arbeiðið er skipað sum uppspunnin verkætlan, har skrivast skal eitt álit um orkuveiting. Næmingarnir kunnu arbeiða einsæris ella í smáum bólkum. Úrslitið skal vera kanning av nøkrum orkukeldum og eitt vælgrundað uppskot til, hvussu Føroyar skulu loysa orkutørv sín í framtíðini. Sí uppskot til tilfar niðast í høgra bredda Ískoytisuppgávur Í partinum Kunnleiki og námsfrøði er leistur at brúka at skriva uppgávu eftir. Um tíð og áhugi er, kunnu næmingarnir fara undir at granska ávís evni nærri og skriva eina uppgávu um eitt teirra. Her eru nøkur dømi um evni: • Økta vakstrarhúsárinið, orsøkir og avleiðingar. • Tá skógir, vøtn og áir gerast ov súr. • Kjarnorkuóhappini í Harrisburg í 1979 og í Tjernobyl í 1986. • Oljukreppan í heiminum í 1970-unum. • Byggingin av byrgingini “Tríggjar Gjáir” í Kina. (da.: De Tre Slugters dæmning ; en.: Three Gorges Dam ) • Ósemjur, har oljan er ein avgerandi orsøk, til dømis kríggið í Kuvait í 1991, ella kanska kríggið í Irak. • Kjarnorkuburturkast. Burturkast frá kjarnorkuverkum er geislavirkið og skal verða goymt í 100.000 ár. Enn er spurningurin ikki svaraður, hvussu hetta skal verða gjørt. Orkunýtsla Eitt er at royna at framleiða el, annað er at minka um orkutørvin. Lat næmingarnar rokna, hvussu nógva orku fólk nýta í ymsu londunum. Brúka avritssíðuna Orkunýtsla . Hvørja niðurstøðu kunnu næmingarnir gera av tølunum Sum víst verður á í partinum Heimsins fólk í Landafrøði 2 , er nýtslumynstrið í vesturheiminum kanska størri framtíðarhóttan enn fólkavøksturin í teimum fátæku londunum. Tað má tó havast í huga, at lond við kaldari veðurlagi mugu hava størri elnýtslu. Her er aftur høvi at taka fram spurningar um burðardygga menning og veðurlagsbroytingar, og eisini støðuna hjá USA í altjóða samstarvinum. Nógvar kanningar verða gjørdar um, hvussu vit kunnu minka um elnýtsluna. Á internetinum eru nógvar heimasíður við spariráðum. Royn til dømis at skriva “spara streym” í leitirútin á www.sev.fo . Avritssíða 2.1 Avritssíða 11.3 Tilfar: Hagstova Føroya www.hagstova.fo > Hagtalsgrunnur > Umhvørvi > Orka SEV www.sev.fo Sí t.d. ársfrágreiðingarnar fyri einstøku árini. Jarðfeingi www.jardfeingi.fo > Orka Umhvørvisstovan www.us.fo > Dálking og vernd > Umhvørvishagtøl Orkustevnur www.orkustevna.fo > Framløgur 2014 > Framløgurnar www.orkustevna.fo > Orkustevnan 2013 > Framløgurnar frá seminarinum Avritssíða 11.1