• Yvirlit
  • Prenta
  • RSS hald

Ragnarlykkja ella Viljorms kvæði

 

Ragnarlykkja - Viljorms kvæði

 

CCF 12 D

TSB E 81

 

1 Kristin eitur Viljorms brúður,

henni kom barn á hand,

føddist ikki mætari kona

í øllum Noregis land.

 

2 “Leingi skalt tú, Viljorm jall,

eyka meg við ta trá,

ikki tú ríður í ókunn lond,

javngott vív at fá.”

 

3 “Hvar veitst tú í øðrum londum

so væna vív,

at mær sámir til frillu

eina aftantíð?”

 

4 Girtlands kongur dóttur eigur,

væna og so fríða,

hon kemur ikki sól at sjá

fyrr enn jóladag um tíð.”

 

5 “Er hon so væn og tekkilig,

sum tú sigur frá,

har streingi eg eiti mítt,

og hana skal eg fá.”

 

6 So letur hann Viljorm jallur

byggja skipini síni,

bæði letur hann á tey laða

virtur og so vín.

 

7 So letur hann Viljorm jallur

byggja skipini stór,

bæð letur hann á tey laða

virtur og so bjór.

 

8 Vundu upp síni silkisegl,

byrin honum veks,

sigla so til Girtlanda,

hann telur um dagar seks.

 

9 Kastar sínum akkerum

á so hvítan sand,

fyrstur stígur Viljorm jall

sínum fótum á land.

 

10 Úti í miðjum grasgarði

akslar hann sítt skinn,

og so búgvin gongur hann

í høgar hallir inn.

 

11 Og so búgvin gongur hann

í høgar hallir inn,

sum Girtlands kongur við borðið sat

við *manna hundrað fimm.

 

12 Viljorm stendur á hallargólvi,

í forðum var sá siður,

hevur nú alt í einum orði,

heilsar og hann biður.

 

13 Viljorm stendur á hallargólvi

væl í góðum tíma:

“Sit væl, reystur Girtlands kongur,

gev mær dóttur tína!”

 

CCF 12 D

TSB E 81

 

Handrit: Schrøters Blandinger, Hammershaimbs Sammlung (Føroya Landsbókasavn, Tórshavn) Nr. 5, aufgezeichnet von J. H. Schrøter.)

 

Útgávur: 

1. Føroya kvæði (N. Djurhuus greiddi til útgávu, 1951) Band  I, Teil 3, s. 360.

2. Føroya kvæði (Inngangur og úrtøk eftir Dánjal Niclasen, 1998) 5. bind, s. 141

 

Heimild: Úr Suðuroy. Jóhan Hendrik Schrøter  (1771-1851), Hvalba.

 

E 81 Viljorms kvæði (Suitor is rejected and killed by maiden’s father)

Systir Viljorms (frábr. C: mamma, D: kona) fær barn við honum og mælir honum til at finna sær sjálvum konu. Hon biður hann bera upp bønarorð fyri dóttur Girtlands kongi.

Viljormur siglir til Girtlands og biður kong um dóttur hansara. Hann fær háðandi svar. Kongur byrgir fyri hallardyrnar, og menn hansara leggja á Viljorm, sum verður dripin.

á føroyskum: CCF 12 Aa ør.1-29, Ab ør.1-27, B ør.1-33, C ør.1-37, D, E ør.1-34 (bert á føroyskum). Eisini nevnt ”Ragnarlykkja”.

 
 
Nám Hoyvíksvegi 72 Tórshavn Tel. + 298 755150 snar@(if you can see this please update your browser)snar.fo © Nám 2019