• Yvirlit
  • Prenta
  • RSS hald

Haraldskjøldur á Miklagarði

 

Haraldskjøldur á Miklagarði

 

CCF 62 F

TSB E 84

 

1 Vitur er sá mektigi dá,

høgur er harragjøld,

tað ræður ein kongur fyri Miklagarði,

nevndur er Haraldskjøldur.

 

2 Haraldskjøldur av Miklagarði,

frægur mót hvørjum manni,

hann vil ikki herja á hann,

ið eina situr í ranni.

 

3 Haraldskjøldur av Miklagarði

bæði við spekt og náðum,

hann vil ongan herja á,

sum eina situr í ráðum.

 

CCF 62 F

TSB E 84

 

Handrit: Savn Hammershaimbs  AM, Access. 4c I [7].

 

Útgávur: 

1. Føroya kvæði (Christian Matras greiddi til útgávu, 1944) Band  III, Teil 1, s. 34.

2. Føroya kvæði (Inngangur og úrtøk eftir Dánjal Niclasen, 2000) 15. bind, s. 91

 

Heimild: Úr Streymoy: Enok Daniel Bærentsen, (1831-1900), Sundi. 

 

E 84 Haraldskjøldur á Miklagarði (Suitor is imprisoned by maiden’s father, escapes and returns to get maiden with brother’s help)

Tólv kongar søkja at Haraldi kongi í Miklagarði, tí teir øvunda honum ríkidømi hansara. Hann vinnur á teimum øllum.

Síðani fer hann til keisaran í Fraklandi og biður um dóttur hansara. Bønarorð hansara verða afturkastað, og keisarin setir hann í fongsul. (Frábr. A, B, D: Silkieik kongsdóttir biður pápa sín lova sær at giftast Haraldi, men hann sýtir. Ein skyldmaður Haralds sleppir honum út úr fongsli.)

Silkieik verður við barn við Haraldi og mælir honum til at fara av landinum. Keisarin varnast, at dóttirin er við barn, og ger til reiðar at brenna hana á báli. Kona, Hilda av navni, hóttir kong og noyðir hann at eira Silkieik. Haraldur fer eftir beiggja sínum Írlands Ringi, og í felag fara teir aftur til Fraklands.

Hesa ferð tekur keisarin við bønarorðum Haralds, og Haraldur giftist Silkieik.

á føroyskum: CCF 62 (bert á føroyskum)

 
 
Nám Hoyvíksvegi 72 Tórshavn Tel. + 298 755150 snar@(if you can see this please update your browser)snar.fo © Nám 2019