• Yvirlit
  • Prenta
  • RSS hald

Aligast

 

C.

 

CCF 106-I C

TSB D 387

 

1 Karlamagnus droymdi,

tað homum illa sømdi.

 

2 Karlamagnus droymdi svá,

at hann skuldi at stjala gá.

 

3 “Hvat skal slíkt í dreymar bera,

at eg skal ein tjóvur vera?

 

4 Heintið mær tjóvin Alikast,

eg veit tann tjóvin allarbest!”

 

5 Inn kemur Alikast fram fyri borð:

“Náðugi harri hevur sent mær orð.”

 

6 Tú skalt mær tann saðil stjala,

Gjótrúgv førdi frá sínum faðir.”

 

7 “Skal eg hann stjala, og skal eg hann fjala,

sjálvur skalt tú við mær fara.”

 

8 Karlamagnus reið so harða,

allir skulvu garðar.

 

9 Alikast reið so tvistur,

ikki rørdist kvistur.

 

10 Karlamagnus múrin breyt,

Alikast ígjøgnum kreyp.

 

11 Alikast steig í loftisriv,

allar skóru bjøllur við.

 

12 Svaraði vív í seingini lá:

“Hví ringla várar bjøllur svá?”

 

13 “Hetta eri eg Hemingur hestasvein,

at skoða tygara saðil rein.”

 

14 “Tú skoðar tað væl, tú gert tað svá

í morgin skulu vit ríða á.

 

15 Vit vilja ríða til tinga,

Karlamagnus at binda.”

 

16 Svaraði vív, í seingini lá:

“Krist gávi, mín bróðir lýddi á.”

 

17 Ikki fekk Jøttrik tíð at sjá,

at Karlamagnus undir hans songum lá.

 

18 Hann sló hana høgg undir kinn,

blóð dreiv niður á skarlaksskinn.

 

19 Hann sló hana við fingurgull,

Karlamagnusar handskar full.

 

CCF 106-I C

TSB D 387

 

Handrit: Savn Hammershaimbs. AM, Access. 4c I [9].

 

Útgávur: 

1. Føroya kvæði (N. Djurhuus greiddi til útgávu, 1968) Band V, s. 3

2. Føroya kvæði (Inngangur og úrtøk eftir Dánjal Niclasen, 2002) 24. bind, s. 15.

 

Heimild: Úr Suðuroy: Daniel Joensen, Dánjal við Gjógvará  (1789-1855), Vági, 1848

 

D 387 Aligast (Man overhears threat to his life while committing burglary)

(D: Kongur giftur dóttur sína við einum greiva, sum beiggi hennara Karl heldur lítið um). Karl droymir, at hann má stjala. Hann sendir boð eftir Aligasti, dugnaligasta tjóvi av øllum, at vera sær til hjálpar. Teir bróta múrin hjá greivanum til at stjala saðil hansara. Greivin tosar við konu sína, systur Karl, og sigur frá, at hann ætlar sær at drepa Karl. Tá ið hon mótmælir, fær hon ein frammaná. D: Karl drepur greivan og giftir systur sína við Aligasti.

á føroyskum: CCF 106 Aligast (eisini á donskum)

 
 
Nám Hoyvíksvegi 72 Tórshavn Tel. + 298 755150 snar@(if you can see this please update your browser)snar.fo © Nám 2019