• Yvirlit
  • Prenta
  • RSS hald

Øskudólgur

 

CCF 189 B

TSB F 7

 

1 Øskudólgur og sópakona,

halda sær at gaman:

“Hvussu skuljum vit liva,

tá ið vit komum saman?”

 

Øll er tað grønu gras forgangin. (!)

 

2 “Vit skuljum taka okkum tráðu í hand

og ganga niðan við á,

fiska okkum lítil smásíl

og føða okkum so.”

 

3 “Hvussu skuljum vit liva,

tá ið fiskur er eingin í á?”

“Vit skuljum okkum á havið út

og størri fiskar fá.”

 

4 “Hvussu skuljum vit liva,

tá ið toskurin vil ikki bíta?”

“Vit skuljum heim í bóndans garð

og treskja komið hvíta.”

 

5 “Hvussu skuljum vit liva,

tá ið bóndin hevur einki korn?”

“Vit skuljum taka okkum lúður í hand

og blása hart í horn.”

 

6 “Hvussu skuljum vit liva,

tá ið lúðurin vil ikki láta?”

“Vit skuljum taka okkum hamar og tong

og smíða skip og bátar.”

 

7 “Hvussu skuljum vit liva,

tá ið bát[ur]in vil ikki ganga?”

“Far tú tær til meinvitis,

eg vil ikki við tær pranga!”

 

Øll er tað grønu gras forgangin. (!)

 

CCF 189 B

TSB F 7

 

Uppruni: H. C. Lyngbye, Færøiske Qvæder (1822), s. 546.

 

Útgávur:

1. H. C. Lyngbye, Færøiske Qvæder (1822), s. 546.

2. Føroya kvæði (N. Djurhuus  greiddi til útgávu 1972), Band VI, s. 276.

3. Føroya kvæði (Inngangur og úrtøk eftir Dánjal Niclasen, 2004) 35. bind, s. 129.

 

Heimild: Hans Christian Lyngbye (1782-1837), 1817.

 

F 7 Øskudólgur (Girl asks future husband how he will provide for her)

Genta spyr mann, hvussu hann fer at hava umsorgan fyri henni, tá ið tey giftast. Hann sigur seg ætla sær at fiska, og hon spyr hann, hvat ið hann fer at gera, tá ið eingin fiskur er eftir; sama hvat ið hann svarar, hevur hon enn ein spurning til reiðar.

á føroyskum: CCF 189 (eisini á donskum, íslendskum, norskum og svenskum)

 
 
Nám Hoyvíksvegi 72 Tórshavn Tel. + 298 755150 snar@(if you can see this please update your browser)snar.fo © Nám 2019