• Yvirlit
  • Prenta
  • RSS hald
Tú ert her:

GEVIÐ GÆTUR!!!! SÍÐAN ER Í GERÐ

Útgávuheildin Nem í fjórða

Nem í fjórða - Læraravegleiðing
Nem í fjórða - Læraravegleiðing

Læraravegleiðingin til Nem í fjórða er býtt í tveir partar, Vegleiðing um føroyskt og Vegleiðing til partarnar...

Nem í fjórða - Næmingabók
Nem í fjórða - Næmingabók

Nem í fjórða er í seks pørtum, og hvør partur leggur dent á okkurt ávíst:

Nem mál í fjórða
Nem mál í fjórða

Mállærubók at brúka saman við bókaheildini Nem í fjórða. t:

Um heimasíðuna Nem í fjórða

Á kanningarferð

Tú heldur í Nem í fjórða og ert til reiðar at læra nógv nýtt. Nem í fjórða er ein yrkisbók, og tí skalt tú byrja við at blaða í henni fyri at fáa yvirlit yvir tað, sum er í bókini. Hygg væl at innihaldsyvirliti, yvirskriftum og myndum.

Blaða í Nem í fjórða.

Tú skalt nú fara á eina loyniliga veiðiferð eftir einum teksti, eini mynd, einum filmi ella onkrum heilt øðrum. Tú skalt síðan finna eitt eyðkenni við tí, tú hevur valt og geva tínum makkara eina slóð at fylgja, t.d. “Á hvørjari síðu kanst tú lesa um eina havfrúgv?”

 

• Finn ein tekst, eina mynd, ein film ella okkurt annað.
• Spyr: “Á hvørjari síðu ... ?”

 

Fleksbók

Fleksbók er ein talgild bók, har tú kanst fáa hjálp at loysa tínar uppgávur. Far á kanningarferð í Nem í fjórða, fleksbók, snar.fo/nem4.

 

Á breddanum

Í bókini er ein rúgva av orðum. Tú kennir tey flestu framman- undan, men nøkur eru nýggj og ókend.

Tað er altíð gott at arbeiða við serstøkum orðum í einum teksti, áðrenn tú lesur sjálvan tekstin. Serstøku orðini standa á breddanum niðast á síðuni.

 

Uppliving og framburður

Í Nem í fjórða møtir tú nógvum, ið tú mást taka støðu til. Tú skalt lesa tekstir, hyggja at filmi, lurta eftir sangi og tónleiki og fara inn á heimasíður.

Men tú skalt eisini bera fram. Tú skalt skriva, mála, syngja, siga frá, vísa fram og dramatisera. Tá ið tú bert tað fram, ið tú upplivir, lærir tú okkurt.

 

Mál og eftirmeting

Nem í fjórða hevur seks partar. Hvør partur byrjar við at seta mál fyri tí, tú skalt læra, og tá ið parturin er liðugur, skalt tú eftirmeta. Tú skalt finna útav, um tú hevur lært tað, sum stóð í málunum.

Vit vóna, at tú lærir eina rúgvu, og at tað er spennandi at arbeiða í Nem í fjórða. Heilsan høvundarnir


Nem í fjórða - forsíða

 
Nám Hoyvíksvegi 72 Tórshavn Tel. + 298 755150 snar@(if you can see this please update your browser)snar.fo © Nám 2019