Vørukurv

Annaðmál er tað málið, ið verður tosað í landinum, tú nú býrt í, men sum ikki er títt móðurmál.

Av hesi orsøk hevur nýggja tilfarið úr Námi eina øðrvísi tilgongd at læra føroyskt, enn hana, vit vanliga kenna frá móðurmálsundirvísingini.

Hey! eru tvey hefti, sum við støði í gerandissamrøðum venda sær til vaksin, ið vilja læra og venja føroyskt úr kendum høpi.

Heftini hava undirheitini Familja og vinir og Arbeiði og frítíð.

Høvundur er Lydia Didriksen og innihaldið tekur støði í bókini hjá Bergljót av Skarði, Vælkomin.

Hey! er ein røð av heftum, sum við støði í gerandissamrøðum venda sær til vaksin.

Hetta eru fyrstu tvey heftini í røðini.

Felags fyri heftini er, at tey leggja seg tætt upp at gerandisdegnum. 

Útgávuheimurin Hey!