Skip to main content

Nám gevur út sBók í vinnurætti

01.11.2021

Mánadagin 1. novembur verður sBókin Vinnurættur útgivin. Hetta er fyrsta føroyska bók til lærugreinina vinnurættur á c-stigi í miðnámi. Bókin miðar eftir at kunna næmingarnar um tey serligu føroysku viðurskiftini og tekur hædd fyri og vísur til galdandi føroyskan rætt við viðkomandi føroyskum dømum.

Louise Restorff Jacobsen hevur skrivað bókina Vinnurættur til lærugreinina vinnuættur á C-stigi í miðnámi. Eingin føroysk lærubók er til hesa lærugreinina frammanundan.

Tá ið Nám skipaði fyri handritakapping í 2016/17 vann Louise kappingina við handritinum til Vinnurætt.

Í Grundgevingini segði dómsnevndin m.a.:

 

Handritið er ein grundbók, ið fylgir námsætlanini í einari breytalærugrein á miðnámi. Bókin hevur eisini almennan áhuga, tí hon er um eitt alment samfelagsligt evni, ið bæði vinnulív, stovnar og privatpersónar kunnu fáa gagn av at lesa. Handritið er væl skrivað, og málsligi og námsfrøðiligi búnin hóska væl til miðnám. Handritið er ávegis liðugt, skrokkurin er greiður, og útgávan verður passalig í vavi. 

Høvundurin hevur hugsað um at hava bæði filmsbrot og venjingaruppgávur knýttar at. Hetta hóskar væl til sBóka-skipanina, sum er høvuðsútgávumiðilin til miðnám.

 

sBókin verður ókeypis restina av 2021. Frá januar 2022 kann bókin keypast fyri úr 78,- kr.

Onnur tíðindi

30.11.2022

Almennur valfundur um fólkaskúlan verður hósdagin…

Les meira
29.11.2022

Snjósystirin er jólakalendarin í barnaútvarpinum…

Les meira
14.11.2022

Tá freistin var úti á midnátt í gjárkvøldið, vóru…

Les meira
11.11.2022

Her eru myndir frá Læraradegnum, sum var hildin í…

Les meira