Skip to main content

Syngið tabellirnar

29.03.2011

At falda við sangi er ein øðrvísi og stuttligur háttur at læra støddfrøði.

Joan Hovgaard hevur gjørt sangir til tær lítlu tabellirnar. Í samstarvi við sínar næmingar í Sørvágs skúla hevur hon innspælt og sungið løgini til barnaútvarpið.

Nú eru sangirnir eisini tøkir á Snar og kunnu takast niður her:

2-tabell, 3-tabell, 4-tabell, 5-tabell, 6-tabell, 7-tabell, 8-tabell, 9-tabell og 10-tabell 

Joan hevur sjálv gjørt løgini til 2-, 3- og 9-tabellina. Hini løgini eru gomul fólkaløg. Løgini eru øll fittlig og skjót at koma eftir. Orðini í sangunum eru sjálvsøgd, men Joan hevur eisini kryddað tabellinar við egnum orðum, sum her:

 “Tá vit tabellirnar læra, vit stuttleika bera í sinn.

  Vit lættliga faldistykki svara, tá vit eru farin inn.”

Sangirnir eru ætlaðir 1. til 3. flokki, men yngri børn kunnu eisini vera við. Teirra talfatan er kanska ikki so breið ella djúp, og tey skilja neyvan multiplikatión, men eru harafurímóti skjót at koma eftir bæði rími og ramsum.

  “Síðsta tal í áttatabell, tað er 80 og nú er vell.”

Lurta eisini eftir Talsanginum  og Fryntasanginum.

 

Onnur tíðindi

Mynd av drongi, ið hyggur at grafum
17.04.2024

Hesa vikuna eru allir næmingar í 4. og 6. flokki…

Landsroynd Landsroyndir Landsroyndir 2024
Les meira
19.03.2024

Starv sum námsráðgevi í føroyskum á yrkis- og…

Les meira
12.03.2024

Í sBókini Plantur til matna eru meira enn 150…

Les meira
04.03.2024

Nám gevur út tvey nýggj Hey!-hefti, sum eru ætlað…

Les meira