Bretska sjónvarpsstøðin BBC hevur gjørt eina temasíðu um amerikanska forsetavalið, sum vendir sær til børn. Heitið á bretsku temasíðuni er Newsround. Har verður greitt frá, hvussu amerikanska valskipanin virkar, tá forseti skal veljast, og hvørji valevnini eru til forsetavalið í 2016.

Við einum stórum toymi av kendum journalistum sum Wolf Blitzer, hevur amerikanska sjónvarpsrásin CNN gjørt eina temasíðu, sum burturav er um amerikanska forsetavalið í 2016.

Almenna danska kringvarpið DR hevur gjørt eina temasíðu, sum burturav er um amerikanska forsetavalið í 2016. Síðan verður dagførd, so hvørt okkurt nýtt er at frætta um valið.