Útbreiðsla: Klænasporl er í hellingunum suður úr Íslandi, vestan fyri og sunnan fyri Føroyar til vestur úr Írlandi. Tað er á bankum og grynnum suður til Asoroyggjar og Marokko. Í Vesturgrønlandi til Nýfundlands og nakað suður við hellingini har. Einstakir fiskar fáast av og á í troli undir Føroyum.
Klænasporl (moraættin)
Halargyreus johnsonii decorated writing paper how should i write my business plan essay for scholarship applicationGünther, 1862
Stødd: Klænasporl verður upp í 44 cm langt, vanliga í veiðuni um 20-30 cm.
Dýpi: Tað er úr 700 m niður á 1500 m, møguliga eisini djúpari enn 2000 m.
Litur: Klænasporl er reyðgrátt, silvurlitt um síðurnar og undir búkinum. Inni í kjaftinum er tað svart, og táknaholurnar eru eisini svartar.
Teinar: R1 + R2 58-67; G 42-53; B 5.
Lýsing: Klænasporl hevur lutfalsliga stórt høvd og er annars smidligur fiskur, tjúkkastur fremst um bulin. Tað hevur tvær ryggfjaðrar, mest sum samanvaksnar, báðar eru lágar, tann fremra er stutt og situr beint yvir uggafjaðrunum. Fremsti teinur í henni er heldur longri enn hinir. Tann aftara er long og er frá aftaru helvt á uggafjaðrunum og aftur til klingruna. Klænasporl hevur eina lága gotfjøður, ið sær út sum tvær. Gotfjøðurin er frá klingruni til beint framman fyri miðjan fiskin. Búkfjaðrarnar hava 5 teinar, og 2 teirra koma aftur um miðjuna á uggafjaðrunum. Tað hevur klæna klingru og lítlan og avrundaðan stert. Eygnatvørmátið er umleið eins stórt og longdin á gronini. Tað hevur lítið undirbit, lítla beinknútu fremst á undirkjaftinum og onga finnu. Strikan er bein.
Eyðkenni: Klæna klingran. Klænasporl minnir í skapi um svartkjaft, men kennist frá honum m.a. á ryggfjaðrunum og á litinum.
Týdningur: Klænasporl hevur ikki vinnuligan týdning.
en: Slender codling, ís: Silvurþvari