Útbreiðsla: Tunga er undir Føroyum og Íslandi. Hon er í Hvítahavinum, vestur og suður við norsku strondini suður í syðra part av Eystarasalti. Hon er í Norðsjónum, runt Bretsku Oyggjarnar og suður í Biskeiavíkina.
Tunga (flundruættin)
Microstomus kitt (Walbaum, 1792)
Stødd: Tunga verður í mesta lagi 67 cm long. Undir Føroyum sjáldan yvir 50 cm, vanliga 30-45 cm.
Dýpi: Hon er úr 20 metra dýpi niður á 220 metra dýpi.
Litur: Hon er brúnsprøklut, reydlig, við myrkum og ljósum flekkum og marmaralitum á bakinum. Hon er hvít blindumegin, tó hava summar nakað av baklitinum eisini blindumegin. Aloftast við reydligum fjaðrarondum.
Lýsing: Hon er høgravendur flatfiskur. Strikan er bert eitt sindur bogin yvir uggafjøðurina. Hon hevur eina ryggfjøður frá vinstra eyga aftur til klingruna, eina gotfjøður frá gotinum aftur til klingruna, smáar búkfjaðrar og smáar uggafjaðrar, nógv rundaðan stert og smáar roðslur. Hon hevur lítlan kjaft við lutfalsliga stórum granum, og kjaftklovin røkkur ikki aftur undir eygað. Tunga er sliputur og smeðin fiskur.
Eyðkenni: Hon hevur ikki pík við gotið. Lítlan kjaft. Reydligi marmaralitti farrin. Lítli bogin á strikuni.
Týdningur: Tunga verður nógv veidd og hevur góðan prís.
da: Rødtunge, en: Lemon sole, fr: Limande sole, ís: Þykkvalúra, no: Lomre, tý: Limande