Føroyar lesa og Nám luttaka á Bókadøgum
Í døgunum 16.-20. november vera Bókadagar í Norðurlandahúsinum. Føroyar lesa og Nám luttaka á Bókadøgum við ymiskum tiltøkum, eitt nú trimum skúlatiltøkum við rithøvundavitjanum. Rithøvundarnir hesa ferð vera Beinir Bergsson, Ingun Christensen og Elin Michelsen, sum øll eru útgávuaktuell.
Í sambandi við Bókadagar er arbeiðstilfar gjørt til útgávurnar Sólgrátur, Rimarúmið og Sólgarðurin, sum eru ætlaðar skúlaflokkum í hádeild og miðnámi. Endamálið við at gera arbeiðstilfar til ungdómsskaldsøgur er at menna førleikan hjá næminginum at viðgera skaldsøgur sum tekstslag, at grunda um innihaldið, at seta tekstin í frásjón, umframt at venja lesimenning og ikki minst lesigleðina. Harafturat er tað av týdningi, at okkara næmingar fáa høvi at spegla sær í føroyskum ungdómsskaldsøgum.
Vónandi taka lærarar og næmingar væl ímóti tilfarinum, og Føroyar lesa og Nám vóna, at so nógv sum gjørligt taka undir við rithøvundavitjanunum á Bókadøgum. Rithøvundavitjanirnar vera mikudagin 16. november og í hesi raðfylgju:
Kl. 9-10: Rimarúmið
Kl. 11-12: Sólgrátur
Kl. 13-14: Sólgarðurin
Undirvísingartilfarið er at finna á leinkinum niðanfyri.
Tilmelding fer fram á tilmelding@nam.fo