Skip to main content

Ann Ellefsen nýggjur ritstjóri

02.06.2016

15. august byrjar Ann Ellefsen í farloyvisstarvi sum ritstjóri í Námi. Arbeiðsøkið er lærugreinin føroyskt í miðnámi, og høvuðsuppgávan verður at týða, tillaga og ritstjórna tilfar til sBókarøðina Sýni & Dýpi.

Tíggju umsóknir vóru til starvið, og fýra umsøkjarar vóru bodnir til samrøðu. Ann er sera væl skikkað til uppgávuna. Hon hevur hollar og viðkomandi royndir, bæði sum studentaskúlalærari og sum ritstjóri. Harafturat hevur hon verið lærugreinaráðgevi í føroyskum til miðnám, og í løtuni er hon formaður í dómsnevndini til Bókamentavirðisløn Norðurlandaráðsins.

Nám bjóðar Ann vælkomnari í starvið!