Skip to main content

Fiskar undir Føroyum

Author :

Rógvi Mouritsen,

Price :

<p>248.00 kr.</p> <p><a href="http://bms.fo/ShopItem/90089/0/5643" target="_blank">Keyp útgávuna</a></p>

Fiskar undir Føroyum snýr seg um, hvørji fiskasløg eru við Føroyar, teirra føroyska navn og teirra vísindaliga navn, og eisini eru nøvnini, sum nøkur av grannalondunum brúka um ávísa fiskin, við í bókini. Mynd er av hvørjum fiskaslag, og sagt er frá um teirra útsjónd, hvussu víða tey liva, um stødd, lit og dýpi og teirra týdning fyri fiskiskapin.

Hóast nortið verður við flokking, so er bókin ikki ein bók í lívfrøði. Hon er heldur ikki um veiðihættir, viðgerð ella annað, ið hevur við fisk at gera, sigur Rógvi og leggur dentin á, at hetta er ein bók til almenningin og undirvísingarverkið, ið skal geva fólki møguleika at greina fiskasløgini undir Føroyum. Nógvir av fiskunum, fiskahópunum og fiskaættunum høvdu ikki føroyskt navn, tá Rógvi Mouritsen fór undir at savna og skipa nøvnini. Eg havi tí eftir førimuni funnið teimum føroyskt navn. Nøkur eru beinleiðis umsett, nøkur havi eg sjálvur sett á, og onnur eru gjørd av ymsum fólkum, sum eg havi havt samband við. Øll tey nýggju nøvnini eru at enda góðkend av fullkønum og skikkaðum fólki, sigur Rógvi Mouritsen eftir lokið avrik.

Fiskar undir Føroyum
Fiskar undir Føroyum