Vørukurv

Bókaheildin Kom við eftir Margretu Næss, lærara – fevnir um tríggjar bøkur, umframt band og fløgu. Útgávurnar eru ætlaðar undirvísingini í føroyskum í miðdeild fólkaskúlans. Á skrivibókini eru uppgávur til evnini í lesibókini. Uppgávurnar eru ymiskar. Har eru m.a. mállæruuppgávur, spurningar til søgur og evni, uppgávur til ávegisskriving og krossorðagátur. Allan Dalsgarð hevur teknað myndirnar. Skrivibókin er einnýtisbók.

Á útgávuheildini Kom við eru lesibók, skrivibók, svarlisti og band/fløga. Á bandinum og á fløguni eru sangirnir, sum prentaðir eru í bókini. Bandið og fløgan eru einans gjørd til nýtslu í undirvísingini. Hetta er triðja og seinasta útgávuheildin í røðini vit lesa. Framman undan hesari eru tær samsvarandi útgávuheildirnar Dýr og dorg og Prikkut vár komnar út.