Vørukurv

Í lærarabókini til Eiturkoppin eru uppskot um, hvussu arbeiðast kann við hvørjari einstakari opnu. Í lærarabókini verður víst á, hvat til ber at práta um bæði í bólki og í flokkinum. Lærarabókin leggur upp til, at næmingarnir bæði práta tveir og tveir, í smáum bólkum ella allur flokkurin saman. Víst verður eisini á lærustrategiir at brúka, so sum hugarok og samanberingardiagramm. Í lærarabókini stendur, hvussu næmingarnir kunnu arbeiða í arbeiðsbókini, og víst verður eisini til aðrar aktivitetir í flokkinum. Í lærarabókini eru ymisk fakta um evnini, ið atbeitt verður við. Faktateksturin er til læraran, sum so sjálvur velur, hvussu hann brúkar hann. Avritssíður til onkrar av uppgávunum í arbeiðsbókini eru aftast í lærarabókini.