Uppskrift av Norðtoftum

get an essay written for you lined writing paper with border denver know beloved is the spirit pharmaceutical sciences phd thesis a2 edexcel biology coursework help chiropractic admissions essay customresearchpapers derek swetnam dissertationHvussu tað ber til, at gamal hiplingur hevur hvítan blett við lærið, er soleiðis greitt frá:

Sum øllum man vera kunnugt, var apostulin Pætur útróðrarmaður. Ein dagin, sum hann var á útiróðri, fekk hann ein stóran kalva. Sum gamal siður hevur verið, skar hann beitu av kalvanum, og tá ið hann kom upp á land aftur, tók hann kalvan sundur í limir.

Síðan fór hann til hús; men kalvin lá sundurtikin eftir á støðni.

Hvussu leingi Pætur dvøldist við hús nevnist ikki; men so mikið er sagt, at, tá ið hann kom oman aftur á støðna, fór ein hiplingur út á sjógv, dragsandi ongiljubeituna í nevinum.

Pætur kundi ikki fáa beituna aftur; men til tess at tað kundi síggjast, at hiplingurin hevði verið ov nærsøkin, læt Pætur hann fáa ein hvítan blett aftanvert við lærið.

Frásøgn: Jóhannis Olsen, Norðtoftum

Jakob Jakobsen: ”Færøske folkesagn og æventyr”, 1898-1901

Ævintýrið er her endurgivið við stavseting Hammershaimbs.

53 Einki AT-nummar