Hinduisma
Hinduisma er ein av teimum elstu og størstu heimsátrúnaðunum. Teir
eru kristindómur, islam, hinduisma, buddisma, jødadómur, kinverskur
og japanskur átrúnaður. Kristindómur, islam og jødadómur eru
monoteistiskir, t.v.s. trúgva á ein Gud. Hinduisma hevur feiri gudar.
Tey, ið hava hinduismu sum átrúnað, verða nevnd hinduar.
Hinduisma er ein ógvuliga fjølbroyttur átrúnaður, sum mentist í
Indusdalinum. Hinduisma merkir
átrúnaðurin hjá indarum
, og tað vóru
evropearar, sum fyrstu ferð nýttu heitið í 1800-talinum. Í India verður
sagt, at tað eru eins nógvar smáar hinduistiskar siðvenjur, sum tað eru
bygdaløg, og tey eru feiri enn 3 milliónir í tali.
Tað ber ikki til at siga, at ein einstakur persónur grundaði hinduismuna.
Heldur er tað so, at hinduisman er ment yvir eitt ógvuliga langt tíðar-
skeið. Helst feiri túsund ár.
Hinduisman hevur ongar profetar og onga trúarjáttan, og størri dentur
verður lagdur á lívsførslu enn á hugsanarhátt.
bygdaløg · grundaði
Hindugudurin Rama og kona hansara, Sita.
Á knæ framman fyri tey, gudurin Hanuman.
at indarar sjálvir ikki nýta orðið
hinduisma, men heldur
Sanatandharma, sum merkir
“tann æviga heimsskipanin”.
“Aum” er ímyndin av Brahma,
Vishnu og Shiva. Aum verður
eisini mett at vera heilagsta
ljóðið, ið øll onnur ljóð stava frá.
78