Page 16 - 93826 Skygni 7 Læraravegleiðing FlippingBook

This is a SEO version of 93826 Skygni 7 Læraravegleiðing FlippingBook. Click here to view full version

« Previous Page Table of Contents Next Page »
16
Viðmerkingar til næmingabókina
Trappur ganga vit í næstan hvønn dag og merkja væl, at
summar eru betri at ganga í og aðrar verri; men at ein trappu­
formil er til, munnu fæstu okkara vita; og at eru trappurnar
gjørdar eftir formlinum, so eru tær góðar at ganga í hjá flestu
vaksnum fólkum.
Celsius, Reamur, Fahrenheit og Kelvin eru fýra vísindamenn,
sum hava gjørt hvør sín stiga at máta hita.
Fyrsti hitamátari við stiga, var gjørdur í 1720. Tað gjørdi tað
nógv lættari at bera hita saman. Tann dugnaligi alisfrøðingurin
og glasblásarin, sum gjørdi hann, æt Fahrenheit. Hitastigin,
hann gjørdi, eitur enn Fahrenheit og verður enn brúktur í
USA. Í Evropa brúka vit ein stiga, sum var uppfunnin av
svia­num Celsius. Á honum eru null stig, tá ið vatn frystur og
hundrað stig, tá ið vatn kókar.
Tað kann vera stuttligt at vita, at til eru ymiskar mátieindir;
men vanliga munnu vit vera væl nøgd við bara at brúka
Celsius og halda, at fleiri mátieindir gera alt bara fløkjas­ligari.
Og tað er heldur ikki ætlanin, er næmingarnir skulu duga hesi
hugtøk og formlar uttanat. Endamálið er at arbeiða við form­
lunum, soleiðis at næmingarnir eftir eina frágreiðing kunnu
gera av, hvønn formil teir skulu brúka til ymsu uppgávurnar.
Linjufunktiónir
Bæði í 4. og 5. flokki teknaðu næmingarnir linjur í kross­skip­
anina. Teir brúktu tann vælkenda skrokkin; men í 6. flokki
komu teir eftir, at samband var ímillum forskriftina hjá
linjum, og hvar hon skar y-ásin. Summir hava kanska funnið
sam­bandið ímillum forskriftina og hallið á linjuni.
Í hesum partinum skulu næmingarnir gerast stinnir at arbeiða
við forskriftini y = ax + b, so teir duga at lesa halltalið og
sker­ingspunktið við y-ásin og við hesum grundarlagi tekna
linjuna.
Uppgávur afturat eru á síðunum 40-50 í avritsmappuni.
Síða 52
Uppgávurnar eru endurtøka at brúka skrokk sum grundarlag at
flyta forskriftina hjá einari linju til eina linju í krossskipanini.
Í uppgávunum 705 og 706 skulu næmingarnir royna at finna
forskriftina til tað teknaðu linjuna. Venji kanska eitt sindur á
talvuni, áðrenn næmingarnir fara í holt við uppgáv­urnar.
Síða 53-55
Brúka almenna formilin hjá linjum at gera nógvar venjingar á
talvuni, so øll fáa eina fatan av positiva og negativa hall­tal­
inum.
Uppgávurnar eru góð venjing at gera forskrift til linjur og at
brúka forskriftir at tekna linjur.
PRÁTIÐ
PRÁTIÐ
PRÁTIÐ