Page 118 - Vinir mínir og eg 3

This is a SEO version of Vinir mínir og eg 3. Click here to view full version

« Previous Page Table of Contents Next Page »
116
Brøv Paulusar
37. tími
Vert at vita
Nýggja testamenti hevur 27 ymiskar bøkur og brøv. Av hesum standa
13 brøv í Paulusar navni. Kjak er um, Paulus hevur skrivað øll hesi
brøv­ini, tí tá í tíðini var vanligt at skriva tekstir í navninum á persón­
inum, sum var íblásturin til tekstin. Vit hava valt at greiða frá brøv­
unum soleiðis, sum kristna siðvenjan lýsir tey.
Rómverjabrævið
Bræv Paulusar ápostuls til rómverja er skrivað umleið ár 55-59 e.Kr. Um
hetta mundið hevur Paulus ikki verið í Róm, men hevði bert hoyrt um
kirkju­liðini har. Hann hevði ætlanir um at fara har seinni. Paulus var
jødi, men hevði eisini rómverskan ríkisborgararætt. Eftir hendingina á
veg til Damaskus brúkti Paulus sítt lív at vitna um Gud og um, hvat
Jesus hevði gjørt fyri mannaættina.
Á Paulusar tíð var Róm ein mætur býur. Limirnir í kirkjuliðinum vóru
fyri tað mesta heidningakristin. Hildið verður, at sambandið millum
jødar og heidningakristin hevur verið kølið. Hetta roynir Paulus at bøta
um.
Rómverjabrævið er skrivað sum grundleggjandi trúarlæra. Í brævinum
greiðir Paulus rómverjum frá, hvat hann fer at tala við teir um, tá hann
kemur at vitja kirkjuliðið.
Rómverjabrævið hevði stóra ávirkan á Luther, sum hevði avgerandi
týdn­ing fyri trúbótina.
Paulus