195
húðin frísk aftur. Hon var rein og mjúk sum á smábarni. Náaman
takkaði Gudi fyri, at hann var vorðin frískur.
Prát
• Hvønn týdning hevur vatnið í søguni?
• Hví fór Náaman til Elisa?
• Hvat skuldi Náaman gera?
• Hvar baðaði Náaman sær?
• Hvussu ofta?
• Gjørdist hann frískur?
Maðurin við Betesda hylin
Í Jerúsalem var ein hylur, sum kallast Betesda. Ein bygningur var lað
aður um hylin. Bygningurin hevði fimm súlnagangir. Framvið hylinum
lógu nógv sjúk og veik fólk. Hesi bíðaðu øll eftir, at aldur ella rørsla av
onkrum slagi skuldi síggjast á stilla vatninum í hylinum. Tey trúðu, at
tað var.eingil Harrans, sum steig niður í hylin og órógvaði vatnið. Tann,
sum tá var fyrstur niðurí vatnið, gjørdist frískur aftur sama hvørjari
sjúku hann var raktur av.
Við hylin í Jerúsalem lá eisini ein maður, sum hevði verið sjúkur í
38 ár. Jesus sá hann liggja har og visti, at hann longu hevði ligið langa
tíð. Hann segði við mannin: „Vilt tú verða frískur?“ Maðurin svaraði
Jesusi: „Harri, eg havi ongan, sum hjálpa mær út í hylin, tá ið vatnið
verður órógvað. Eg eri altíð ov seinur. Jesus svaraði: „Reis teg upp, tak
song tína og gakk.“ Og í stundini varð maðurin frískur, og hann tók
song sína og gekk.
Prát
• Hvønn týdning hevur vatnið í søguni?
• Hvussu æt hylurin?
• Í hvørjum býi var hylurin?
• Hvør bíðaði við hylin?
• Hví?
• Hvussu leingi hevði maðurin bíðað?
• Hvør hjálpi honum?
• Hvat bað Jesus hann gera