Basket

Hvussu ávirkast tann likamliga, sálarliga og sosiala menningin hjá børnum og ungum av kunningartøkni?

Hvørjir fyrimunir og vansar eru hjá børnum í kunningarsamfelagnum?

Hvørji eru tilmælini á økinum?

Endamálið við temadegnum er, at fakfólk fáa meira vitan og soleiðis gerast betur før fyri at stuðla barninum og tí unga í avbjóðingum og trupulleikum, sum standast av kunningartøkni.

Fyrilestrarhaldararnir starvast sum serfrøðingar í spurningum um film og telduspøl.

Anne Mette Thorhauge hevur eina phd innan telduspøl og samskifti og arbeiðir á deildini fyri miðlar og samskifti á universitetinum í Keypmannahavn.

Tine Jensen, er lektari á deildini fyri sálarfrøði og gransking innan útbúgving á universitetinum í Roskilde.

Temadagurin vendir sær til fakfólk innan barna- og ungdómsøkið, heilsufrøðingar, sjúkrarøktarfrøðingar, lærarar, námsfrøðingar, sosialráðgevarar, sálarfrøðingar og onnur áhugað. FBS skipar fyri temadegnum.

Temadagurin verður týsdagin 14. september 2010 klokkan 09.00 – 15.00 í hølunum hjá Starvsmannafelagnum J. H. Schrøtersgøtu 9, Tórshavn.

Kostnaðurin er 1.000 krónur. Íroknaður er døgurði og kaffi. Limir í FBS gjalda hálvan prís.

Tilmelding fer fram við at gjalda á konto hjá FBS í EIK:  9181 – 9882105.
Minnist til at viðmerkja navn.

Tilmeldingarfreistin er 1. september.  

Nærri upplýsingar fáast við at venda sær til FBS á  tlf. 594791

FBS,  Føroyskir Barnasjúkrarøktarfrøðingar er ein áhugabólkur undir Felagnum Føroyskir Sjúkrarøktarfrøðingar.

Limirnir starvast sum heilsufrøðingar og sjúkrarøktarfrøðingar  á barna- og ungdómsøkinum.   

Lagt út: Rói Joensen