Trøllini í Mykinesi vóru von hvørja jólanátt at dansa á Skálavøllum í Borgardali eystast á oynni. Tey hoyrdust at kvøða:

“Trum trum tralalei;
kalt er á fjøllum hjá trøllum;
lýggjari er í húsinum á Skálavøllum.”

Og niðurlagið hjá teimum var altíð:

“Mettan liggur á durunum;
trum trum, dansið væl!«

writing-help.com review help with homework ks3 dissertation computing online cv creator new zealand homework help college essays for yaleHenda mettan, ið trøllini kvóðu um, var teirra egna og lá altíð uppi á durunum í húsi teirra á Skálavøllum. Einaferð lovaðu mykinesmenn eina kúgv í løn til tann, sum hevði dirvi at fara til trøllini og taka mettuna frá teimum. Ein maður helt seg til, fekk sær eitt útvalt ross og reið yvir á Borgardal. Hann rykti mettuna av durunum á trøllahúsinum og díkti so á hestin heim aftur. Men trøllini lupu aftan á hann; upp um fjøllini fóru tey, og saman gekk í hvørjum ímillum teirra og mannin. Tá ið hann var komin oman á Gerðigarðar, á sýnina, rópaði hann: “Her er gud og kirkjan!” Tá vóru trøllini so nær, at eitt fekk í halan á ryssuni og sleit hann; men maðurin var sloppin.

Jakob Jakobsen: ”Færøske folkesagn og æventyr”, 1898-1901.

Sagnirnar eru her endurgivnar við Hammershaimbs stavseting eftir útgávuni:
Jakob Jakobsen: "Sagnir og ævintýr" , fororð eftir Mariu Mikkelsen, 1. útg. 1925, 2. útg. 1984-85.