Tíðindi / tilfar

Plantur til matna

Áhugin fyri at velta grønmeti og framleiða egið tilfeingi til matna er vaksandi, og kring landið verða í vár skipað fyri skeiði í grønmetisvelting. Bókin Plantur til matna eftir Siggu Rasmussen er longu tøk sum netbók og hóskar sera væl sum fakligt grundarlag til slík skeið.

Skeiðsrøðin fevnir um bæði frálæru og verkliga venjing – frá fornæling og forspíring til goymslu av grøði. Bókin sameinir lívfrøðiliga vitan við praktisk ráð og er eitt føroyskt, dagført og læruríkt amboð til øll, sum vilja læra meira um plantur og matframleiðslu.