Skip to main content
Snar · desember 2026

Jól á Snar

Lesið, lurtið, kannið og skapið í desember. Her finna tit tríggjar jólakalendarar, sum hvør hevur 14 lúkur. Í hvørjari lúku fáa næmingarnir ein spurning at undrast á og eina uppgávu at loysa. Savnið tað, tit skapa, í jólabókina hjá flokkinum, ella latið eina jólasøgu ferðast millum deildirnar. Tit kunnu eisini velja einstakar uppgávur eftir deild og lærugrein.

Jólakalendarar14 lúkurEin nýggj lúka letur upp hvønn skúladag frá 1. til 18. desember.
AdventFýra ljós – eitt fyri hvønn sunnudag í advent.
Tríggir kalendararGrunddeild, miðdeild og hádeildSí kalendararnar →LeitaFinn jólatilfarLeita í teimum 42 lúkunum eftir deild ella lærugrein.Leita →FyrireikingTil læraranSoleiðis koma tit í gongd.Les meira →

Leitar tú eftir gomlum jólatilfari? Tilfar frá jólasíðuni í fjør →

Jólakalendarar 2026

Hvør kalendari hevur 14 lúkur – eina til hvønn skúladag frá 1. til 18. desember 2026. Ein nýggj lúka letur upp hvønn skúladag. Lúkurnar frá undanfarnum skúladøgum verða verandi opnar, men komandi lúkur eru læstar.

1.–3. flokkur

Jól í grunddeildini

Smáar søgur, tøl, spøl og skapandi løtur. Børnini lurta, tosa, syngja, telja og tekna. Í nøkrum lúkum kunnu tey eisini gera eina síðu til jólabókina.

4.–6. flokkur

Jól í miðdeildini

Mál, mentan, royndir og kanningar. Hvør lúka byrjar við einum undranarspurningi, og í summum lúkum kunnu næmingarnir gera eina síðu til jólabókina. Eyka uppgávur eru til 5. og 6. flokk.

7.–9. flokkur

Desember undir sjóneykuni

Bókmentir, miðlar og vísindi fáa næmingarnar at undrast, kanna, tulka og grundgeva. Í útvaldum lúkum kunnu tey savna sítt arbeiði í jólabókina. Læraraviðmerkingar og svar eru savnað í einum øki fyri seg.

Eyka virkni: Jólabókin hjá flokkinum · Jólasøgan, sum ferðast

1234567

Pappírsútgáva

Vilja tit heldur hava kalendaran á pappíri? Her ber til at prenta allar lúkurnar. Boyggið ørkini og heingið tey á eitt band, soleiðis at bara talið sæst.

Á ørkunum eru tillagaðar uppgávur, sum kunnu gerast uttan teldu, men summar lúkur hava sangir og tekst tey skulu lesa, so hesi mugu antin finnast, ella tit brúka telefon og skanna QR-koturnar á lúkuni.

Skapið saman

Jólabókin hjá flokkinum

Í summum lúkum kunnu næmingarnir skriva og tekna til eina felags jólabók. Prentið forsíðuna og ørkini á A4 og goymið síðurnar í einari mappu ella í einum kassa. Seinni kunnu tit gera allar síðurnar til eina jólabók.

  1. 1Prentið forsíðuna og ørkini á A4
  2. 2Næmingarnir tekna og skriva í lúkunum
  3. 3Goymið síðurnar í einari mappu ella í einum kassa
  4. 4Seinni kunnu tit gera eina jólabók

Prenta: Perma · Síða til jólabókina (PDF)

Saman á skúlanum · valfrítt

Jólasøgan, sum ferðast

Ein søga kann ferðast millum deildirnar. Næmingarnir skriva hana, lesa upp og tekna myndir til hana. Saman kunnu tey gera eina myndprýdda jólabók ella eina lítla framførslu.

1Hádeildin skrivarEina stutta jólasøgu, 150–250 orð, til yngri børn.
2Miðdeildin lesur uppNæmingarnir venja upplestur, velja ein ella fleiri upplesarar og gera spurningar.
3Grunddeildin teknarBørnini lurta og tekna myndir til søguna.

Tað er ikki neyðugt, at aðrir flokkar eru við. Í kalendarunum eru eisini uppskot til, hvussu hvør flokkur kann arbeiða sjálvstøðugt.

Finn jólatilfar

Her finnur tú allar 42 lúkurnar. Vel deild og lærugrein fyri at avmarka yvirlitið. Tú kanst eisini velja bæði í senn. Trýst á eina lúku fyri at fara beinleiðis til hana.

Deild
Lærugrein

Jólatilfar frá undanfarnum jólasíðum

Aðrir kalendarar, undirvísingargongdir, tilfar at prenta, bøkur, sangir og upptøkur. Trýst fyri at lata upp.
Lat uppLat aftur

Kalendarar og undirvísingargongdir

  • StøddfrøðikalendariÍ hesum jólakalendaranum er ein rokniuppgáva hvønn dag.
    Lat upp
  • Jólakalendari á ThinglinkÍ lúkunum eru leinki til útvalt jólatilfar á Snar.
    Lat upp
  • Styrkirnar – jólakalendariÁ Thinglink finnur tú ein jólakalendara við uppgávum um styrkir.
    Lat upp
  • Hvít jólÁ fakportalinum hjá Námi finnur tú eina undirvísingargongd um kava og ískrystallar til lærugreinina náttúru og tøkni.
    Lat upp
  • Nissumamma og nissupápiFøroyskir jólasangir á Thinglink.
    Lat upp
  • Minnislepi við jólafilmumTilfarið er á MíttCFU, og tú mást rita inn fyri at síggja tað.
    Lat upp

Bøkur, sangir og hoyrispøl

  • Jólini hjá FinkuTilfar til móðurmálsundirvísing í 2. flokki (PDF).
    PDF
  • Jól í 5. aKringvarpið sendi hoyrispælið í 2015.
    Lurta
  • Barnajólasangir við nótumSanghefti (PDF).
    PDF
  • Jólarokning við JohannJólabók úr bókarøðini Kom og rokna (PDF).
    PDF
  • Ein av søgunum um JólalítlaSøga eftir Sverra Egholm (PDF).
    PDF
  • Floytan hjá seyðadreinginumEftir Dan Lindholm: Små sagn om store ting. Elin Henriksen týddi (PDF).
    PDF
  • Smágentan við svávulpinnunumH.C. Andersen: „Den lille pige med svovlstikkerne“. Marius Johannesen týddi (PDF).
    PDF
  • JólagávurEftir Sólrún Michelsen. Astrid MacDonald teknaði (PDF).
    PDF
  • MúsabilurinSøga eftir Oskar Hermannsson (PDF).
    PDF
  • Orðið „jól“ í EvropaKort, sum vísir, hvat jólini eita á ymsum evropeiskum málum (mynd).
    Mynd

Jólaskjøl at prenta

Í Skjølum finnur tú jólaskjøl at prenta: litbøkur, villiniborgir, binding, uppskriftir, jólarokning, søgur og sjónleikir.

Filmar og sangupptøkur

Jólahjørtu við GeoGebra – fimm vegleiðingarfilmar (framleiddir av Nextfilmum)
Lítla fitta nissa mín – við uppgávum

Fastur táttur í føroysku jólatraditiónini er greytur við mandlu – og mandlugávan.
Lurta: Hvussu nógv ørindi og niðurløg eru? Orðalisti: nissa, mandla, greytur, hugni. Uppgáva: Skriva eitt ørindi afturat til sangin. Ørindið skal hava orðið „nissa“ við.

Ein kavamaður stendur í havanum – við uppgávum

Týddur úr týskum: „Ein Schneemann steht im Garten“.
Samanbering: Lurta og samanber við týsku útgávuna. Orðalisti: kavamaður, havi, slítur í, brátt. Uppgáva: Finn 3 orð í sanginum, sum eru um kava ella vetur, og ger tekn við hondunum ella kroppinum.

Gleðilig jól! – við uppgávum

Føroysk týðing av „Stille Nacht, heilige Nacht“. Tekstur: Joseph Mohr (1816). Lag: Franz X. Gruber (1818). Føroyskt: Fríðrikur Petersen (1891).
Søga: Leita á netinum og kanna: Hví varð lagið skrivað til gittar? Orðalisti: heilagur, friður, náði. Uppgáva: Samanber føroyska og enska týðing (vel 2 ørindi).

„Jingle Bells“ – føroyskur tekstur, við uppgávum

Upprunalagið er eftir James L. Pierpont (1857). Føroyski teksturin setur sangin í føroyska náttúru og føroyskt veður.
Tónleikagreining: Hvussu er taktin í sanginum? Klappið taktina. Orðalisti: sleða, bjølla, kavi, ferð. Uppgáva: Ger eitt nýtt ørindi við einum føroyskum veðurfyribrigdi.

Eg vil telja stjørnurnar – sangupptøkur á føroyskum og donskum
Jólaprýði úr grønmeti – tveir vegleiðingarfilmar

Spøl og ítriv

  • Heingja mannTelduspæl av tí klassiska skúlaspælinum „Heingja mann“.
    Spæl
  • JólalastikSandra Sørensen, sum hevur skrivað bókina Binda, hevur bundið eitt vakurt hárlastik við litríkum perlum. Síður úr bókini (PDF).
    PDF
  • OktaeturLeistur at prenta á A3 (PDF).
    PDF
  • JólastjørnaLeistur at prenta (PDF).
    PDF
Fyrireiking

Til læraran

Soleiðis kanst tú brúka kalendararnar í undirvísingini.

Ein lúka hvønn skúladag. Ein nýggj lúka letur upp hvønn skúladag frá 1. til 18. desember. Jólafrítíðin byrjar 19. desember. Flestu uppgávurnar taka 10–15 minuttir, men nakrar taka umleið 20–30 minuttir.
Undrast og arbeiða víðari. Hvør lúka byrjar við einum spurningi, sum vekir forvitni. Næmingarnir gita fyrst, og aftast í lúkuni undrast tey aftur: Halda tit tað sama nú? Í miðdeild og hádeild koma teksturin og uppgávan fyrst til sjóndar, tá ið flokkurin hevur gitt. Í grunddeild gita børnini munnliga, og lærarin kann skriva tað, sum tey siga, í teigin í lúkuni. Í miðdeild eru eyka uppgávur til 5. og 6. flokk, og í hádeild kunnu tey sjálv velja, um tey vilja arbeiða víðari.
Jólabókin. Í útvaldum lúkum kunnu næmingarnir skriva, tekna ella savna úrslit. Prentið forsíðuna og ørkini á A4 í kalendarunum og goymið síðurnar í einari mappu ella í einum kassa, til tit gera tær til eina jólabók. Hetta er valfrítt.
Saman á skúlanum. Hádeildin kann skriva eina jólasøgu, miðdeildin lesa hana upp og grunddeildin kann tekna myndir til hana. Hvør deild kann eisini velja at arbeiða hvør sær.
Vegleiðing og svar. Í øllum lúkum í grunddeild og miðdeild finnur tú partin „Til læraran“. Í hádeild eru læraraviðmerkingar og svar savnað í einum serligum øki, sum lærarin sjálvur kann lata upp.
Arbeiðshættir. Lærarin kann vísa tilfarið á stórskíggja, so flokkurin arbeiðir við tí í felag. Næmingarnir kunnu eisini loysa fleiri av uppgávunum tvey og tvey ella í smáum bólkum.
Fyrireiking. Inni í kalendaranum kanst tú trýsta á „Lat allar lúkur upp“. Tá verða lúkurnar verandi opnar í tínum kaga, til tú trýstir á „Fylg døgunum“. Tú kanst eisini merkja lúkur sum lidnar og brúka beinleiðis leinki til einstakar lúkur.
Tilfarið. Við tilfarinum finnur tú upplýsingar um høvund og keldu. Leinkini vísa til viðkomandi tilfar á øðrum síðum, og tú kanst spæla filmar beinleiðis á síðuni.
Finn uppgávuna aftur. Í „Finn jólatilfar“ finnur tú allar 42 lúkurnar og kanst leita eftir deild og lærugrein. Soleiðis kanst tú velja einstakar uppgávur uttan at fylgja kalendaranum dag fyri dag.

Gleðilig jól

Góðan arbeiðshug í adventini