Temasíða um Jólini
Á hesi temasíðuni um jólini eru tilfar og leinki, sum hava við jólini at gera, savnað á einum staði.
Hvat er kavi?
Ein nýggj undirvísingargongd, sum snýr seg um kava, kavaflykrur og ískrystall, er nú tøk á fakpallunum hjá Námi til lærugreinina náttúra og tøkni. Endamálið við gongdini er, at næmingarnir læra um kava og gera modell av kavaflykrum í ymsum mátilutfalli. Næmingarnir fara bæði at klippa kavaflykrur og gera modell av einum ískrystalli - við saltvatnskrystallum.
Les meira um kava
Nýtt á jólasíðuni: Jólini hjá Finku
Finkujól
Finka er móðurmálstilfar til annan flokk, og í arbeiðsbók 1 eru nakrar jólasíður.
Tú kanst taka viðkomandi síður úr bókini niður her.
Ymiskt annað tilfar frá undanfarnum árum
Jól í orðabókini
Hvussu siga vit gleðilig jól og hvussu benda vit orðið jól? Orðabókin gevur okkum altíð góða vegleiðing - eisini um jól. Á myndini sært tú, hvussu jól eita á ymsum málum.
Jól í 5. a, hoyrispæl á Kvf
5. a skal hava vikarar í jólamánaðinum, og tað gongur ikki stillisliga fyri seg. - Hoyrispæl, sum Jákup Veyhe hevur lagt til rættis.
Hvaðani stavar tað
Grein úr Jólablaðnum í Sosialinum desember 2018. Hallur av Rana hevur skrivað.
Myndabók: Gleðilig Jól
Vakra Myndabókin Gleðilig jól sigur okkum søguna um vælkenda sálmin ”Gleðilig jól”. Her eru hugskot og uppgávur at nýta í sambandi við evni sum vón og dreymar, tí dreymar búgva allastaðni.
Sandra bindur jólalastik
Sandra Sørensen, sum hevur skrivað bókina Binda, hevur bundið eitt vakurt hárlastik við litríkum perlum. Í bókini eru fleiri vegleiðingar og hugskot við myndum, tekningum og filmum, sum kunnu hjálpa tær við at binda títt egna jólalastik.
Jólarokning við Johann
Kom og rokna er bókarøð til undirvísingina í støddfrøði. Johann J. Petersen hevur skrivað og sniðgivið bøkurnar. Tú kanst taka viðkomandi síður úr bókini niður her.
Jólakort við Ronju
Ronja Abigail Ørvarodd, sum gongur í Skúlanum á Giljanesi, hevur teknað eitt jólakort, sum tú kanst taka niður og lita.
Uppgávur til kanadiska stuttfilmin: Toys (Grant Munro 1966 7 min)
Hygg at filminum, tosið um hann og loysið hesar arbeiðsuppgávur:
- Hvar eru vit?
- Hvør er árstíðin?
- Hvør er gongdin í søguni?
- Lærir filmurin okkum nakað ávíst? Um so er, hvat?
- Er nakar frásøgupersónur?
- Hvat ljóð hoyra vit í filminum?
Hesin hundurin eitur Snar
Hann kom á Snarsíðuna tey allar fyrstu jólini hjá portalinum snar. Niðurteljingin uppiyvir hundinum er gjørd við kotu. HTML á jólasíðuni í ár. Tit kunnu læra meira um HTML á jólasíðuni í ár.