Søgn er, at fútin Jørgen Christian Klein einaferð viltist oman fyri Havnina. Tá ið hann triðju ferð var komin aftur til sama klettaskotið og ikki visti, hvar hann var staddur, legðist hann at laða grót upp á ein hendan stóra steinin, har stóð. Soleiðis helt hann seg heitan, til fólk var komið at leita. Staðið varð síðani nevnt Kleinsvarði, og enn sæst grótvarðin uppi á steininum tætt eystan fyri Oyggjarvegin við fjarskiftamastrina á Húsareyni.

Freydis Poulsen, Klaksvík, “Birting”, 1990.