Í sBókini Sýni & Dýpi 2, sum er ætlað øðrum ári í miðnámi, er ein stórur partur, sum snýr seg um rák og tíðarskeið í  mál- og bókmentasøguni. Tíðarskeiðini, sum verða viðgjørd í Sýni & Dýpi 2 eru miðøld, renessansa, barokkur, upplýsingarøld, romantikkur og tjóðskaparromantikkur. 

Í partinum um renessansu er ikki nógv um føroysk viðurskifti, men nógv spennandi hendir úti í heimi, m.a. við Shakespeare í London. 

Ástøðilig viðgerð av renessansuni er í Sýni 2 er her

Í Dýpi 2 eru ymiskir tekstir frá renessansuni, umframt ein nýggjur tekstur hjá Hanusi Kamban um The Globe. 

Tekstirnir standa her

Uppgávur og orðafrágreiðingar 

Í Sýni 2 eru lítlar uppgávur ávegis í tekstunum, umframt at hvør partur endar við einari síðu við nógvum ymiskum uppgávum. 

Tekstirnir í Dýpi 2 hava orðafrágreiðingar, og kunningartekstur og arbeiðsuppgávur eru gjørdar til hvønn tekst. 

Førleikamál 

Partarnir um renessansuna í “Rák og tíðarskeið” eru viðkomandi fyri hesi førleikamál í námsætlanini fyri føroyskt á A-stigi. 

SKRIVAÐA MÁLIР

Næmingurin dugir: 

• at brúka hóskiligt háttalag at greina, tulka og seta í frásjón ymisk fagur- og yrkisbókmentalig tekstsløg 
• at vísa hollan kunnleika til føroyskar bókmentir og samband teirra við norðurlendskar og aðrar heimsbókmentir 
• at fara í dýpdina við einum evni 
• at skriva ymisk fagur- og yrkisbókmentalig tekstsløg 
• at orða seg málsliga rætt og greitt í ymiskum málsligum stíllegum við fjølbroyttum orðatilfeingi 
• at nýta yrkorð og hugtøk rætt 

Renessansan fyri øll 

sBókaheildin Sýni & Dýpi er ætlað føroyskum í miðnámi. Lærarar og næmingar keypa sær hald, men í hvørjum árgangi er ein partur opin fyri øll. Í Sýni & Dýpi 2 er tað Renessansan, sum er opin, og tí er ikki neyðugt við hvørki konto ella haldi til at fáa atgongd til hendan partin.