Útbreiðsla: Hann er fingin eystur av Fugloyarbanka, í hellingini í útnyrðing úr Mýlingi og norður av Íslandsrygginum. Annars er hann í Arktiska havinum, Karahavinum, í landnyrðing úr Svalbarði, og eisini í Beauforthavinum.
Lítli kryttlingur (huldukruttaættin)
Cottunculus sadko critical thinking writing prompts i can do my homework buy research papers njEssipov, 1937
Stødd: Lítli kryttlingur verður minst 18 cm langur.
Dýpi: Hann er við botnin úr 300 m niður á minst 800 metrar.
Litur: Hann er grábrúnur við 3 breiðum, dimmum, loddrøttum bondum um síðurnar. Uggafjaðrarnar eru tvílittar, dimmar innast við kroppin og ljósari ytri.
Teinar: R 8-9 + 13-15; G 11; U 18.
Lýsing: Fiskurin er hægstur um nakkan og smalkar skjótt aftureftir til ta smølu klingruna.
Høvdið er vanliga longri, enn tað er breitt, er ikki rundleitt at síggja úr erva, men mjækkar frameftir.
Hann hevur eina ryggfjøður, ið er lág framman, hægri aftan, eina gotfjøður á leið sum aftari partur av ryggfjøðurini. Skræðan er skrubbut. Tveir naddar eru á nakkanum, vanliga spískir. 11 poknur eru í strikuni.
Kallfiskar hava sinu til longdar minni enn 6% av standardlongdini.
Eyðkenni: Hann líkist nógv kryttlingi. Tvílittu uggafjaðrarnar. Høvuðskapið.
Týdningur: Lítli kryttlingur hevur ikki vinnuligan týdning.
da: Smalhovedet paddeulk, en: Sadko sculpin