Skip to main content

Bókmentauppgáva til útgávuna Hvíti fuglur

15.01.2021

Bókmentauppgáva er gjørd til útgávuna Hvítur fuglur eftir R.J. Palacio

Bókmentauppgávqn til Hvíti fuglur er sett saman av uppgávum til næmingin og læraraleiðbeining. 

Á síðuni Bókmentauppgávur eru uppgávur til fleiri bøkur

--------------------

Hvíti fuglur er ein grafisk skaldsøga um dreingin Julian, ommu hansara Saru og Julien, vinmannin hjá ommuni. Søgan byrjar í nútíðini, formæli, og endar eisini í nútíðini, eftirmæli. Men meginparturin av søguni er um krígsárini. Vit hoyra um lívið hjá ommu Julian, ið sum ung genta krógvaði seg fyri nasistunum undir seinna heimsbardaga í Fraklandi. Hetta er ein søga um ljósið í myrkrinum, um ómetaligt dirvi, vinalag og kærleika.

Raquel Jaramillo Palacio hevur skrivað og myndprýtt Hvíti fuglur, Ása H. Ellefsen hevur týtt úr enskum, og Bókadeild Føroya Lærarafelags gav út í 2020.

Í bókini eru 3 partar, sum eru býttir upp í kapitlar, umframt formæli og eftirmæli. Aftast í bókini er eftirskrift, viðmerkingar hjá rithøvundinum, eitt sindur um, hvørjum bókin er ognað og orðalisti.