Móðurmálsdagur í Barnaútvarpinum og Kahoot-kapping um móðurmálið
25. mars er føðingardagur V.U. Hammershaimbs og móðurmálsdagur. Nógv verður gjørt burturúr.
Kahoot-kapping um móðurmálið
Í sambandi við móðurmálsdagin í dag skipar Málráðið í morgun kl. 11.00 fyri spurnarkapping fyri 7. - 10. flokki á Kahoot. Eisini er ein kapping fyri almenningin kl. 12.00.
Málráðið skrivar soleiðis á vanganum á Facebook
"Góðu føroyingar, í morgin er móðurmálsdagur, og Málráðið og Føroyar lesa skipa fyri spurnarkapping á appini Kahoot!
Kl. 11 verður kapping fyri næmingunum í 7.-10. flokki, og kl. 12 eru øll vælkomin at spæla við!
Tak appina niður á telefonina og rita teg inn við PIN-nummarinum, sum verður tøkt á síðunum hjá Málráðnum og Føroyum lesa á Facebook í nakrar minuttir, áðrenn kappingin fer av bakkastokki.
Vinningarnir eru frálíkir bókapakkar frá føroysku forløgunum Bókadeild Føroya Lærarafelags, Forlagnum Eksil og Sprotanum!"
Hammershaimb í Barnaútvarpinum
Barnaútvarpið tosaði í morgun við søgufrøðingin Erling Isholm um V.U. Hammershaimb og móðurmálið.
Lurta eftir Barnaútvarpinum um V.U. Hammershaimb
Morgunsending um móðurmálsdagin
Eisini er morgunsendingin í morgun um móðurmálsdagin.
Lurta eftir útvarpinum beinleiðis her
Tema um móðurmálið